ГБХЗХГ нь Хүүхдийн төлөө аймгийн зөвлөлийн ажлын албаны үүрэг гүйцэтгэдэг, аймгийн Засаг даргын эрхлэх асуудлын хүрээний хэрэгжүүлэгч агентлаг.
Тус газар нь Гэр бүл, хүүхдийн хөгжил хамгааллын алба, Залуучуудын хөгжлийн алба, ХШҮ мэдээлэл судалгааны алба, Захиргаа хамтын ажиллагааны алба гэсэн 4 албатай 22 орон тоотой үйл ажиллагаа явуулж байна.
Тус газрын дэргэд хүүхэд хөгжлийн 2 төв “Бүрдийн уянга” үүхдийн зуслан, Хүүхдийн парк ажилладаг.
ТҮҮХЭН ЗАМНАЛ
Дундговь аймгийн хүүхдийн байгууллага нь 1942 онд анх Пионерийн зөвлөл нэртэйгээр үүсгэн байгуулагдаж үйл ажиллагааны цар хүрээ, нэр төрлөө жилээс жилд нэмэн тэлсээр
- 1991 онд ЗГ-ын оны 205 дугаар тогтоол, Ардын гүйцэтгэх захиргааны 81 дүгээр тогтоолоор Хүүхдийн төлөө төв
- 2008 онд ЗГ-ын 67 дугаар тогтоолоор Хүүхдийн төлөө төв нь Хүүхдийн төлөө хэлтэс
- 2012 онд аймгийн Засаг даргын А/494 дүгээр захирамжаар Хүүхэд гэр бүлийн хөгжлийн хэлтэс болон гэр бүлийн асуудал нэмэгдсэн.
- хамгийн сүүлд ЗГ-ын 2016 оны 09 тогтоол, аймгийн Засаг даргын 2016 оны 10 дугаар сарын 20-ны өдрийн Б/53 дугаар захирамжаар Гэр бүл, хүүхэд, залуучуудын хөгжлийн газар болон залуучуудын асуудал нэмж орж ирсэн.
БҮРДИЙН УЯНГА ХҮҮХДИЙН ЗУСЛАН
Бүрдийн уянга хүүхдийн зуслан 1983 онд байгуулагдсан, àймгийн төвөөс баруун хойд зүгт 70 км-т Адаацаг сумын нутаг “Сүм хөх бүрд” байгалийн үзэсгэлэнт газарт оршдог.
Бүрдийн уянга зуслан нь тус бүр 50 хүүхэд амрах 4 байр, 25 хүүхэд амрах 1 байр, ажилчдын 8 байр, клуб, эмнэлгийн байр, номын сан, халуун ус угаалгын газар, хүнс барааны склад, гүний худаг, зочид буудал, зоогийн газар, хүүхдийн спортын уралдаан тэмцээн явуулах талбай болон 15600 м2 /120м*130м/ хүнсний ногооны талбайтай хүүхдийн зуны амралтаа өнгөрүүлэх томоохон байгууламж юм.
ХҮҮХДИЙН ПАРК
Хүүхдийн парк нь 2010 онд анх сууриа тавьж 2011 оны 07 сарын 24-ны өдөр ашиглалтанд орж үйл ажиллагаагаа эхэлсэн. Тус Парк нь нийт 15 га газрыг хамарсан 18 обьект бүхий 620.0 сая төгрөгийн хөрөнгө оруулалттай, хүүхдийн чөлөөт цагийг зөв боловсон өнгөрүүлэхэд чиглэгдсэн үйлчилгээний салбарын нэг болж өргөжсөөр байна.
