Орон нутгийн өмчийн эзэмшил, ашиглалт, хадгалалт, хамгаалалтыг сайжруулах, түүнд тавих хяналтыг өндөржүүлэх, бүртгэл тооцоог байгууллага бүрээр хөтлөн өмчийн үр ашгийг дээшлүүлэх, Худалдан авах ажиллагааны шалгаруулалтыг ил тод, шудрага болгож хуваарилагдсан төсвийн хөрөнгийг хэмнэлттэй, үр дүнтэй ашиглаж, өрсөлдөх тэгш боломж олгох, хариуцлагатай байх нөхцөлийг хангаж ажиллана.
СТРАТЕГИ ЗОРИЛТ
Стратегийн зорилт 1: Орон нутгийн өмчийн талаар хууль тогтоомж, бодлого, чиглэл, баримт бичгийн төсөл боловсруулах, орон нутгийн өмчит болон төрийн өмчийн оролцоотой аж ахуйн нэгжийн засаглалыг сайжруулах удирдлага, зохицуулалтаар хангах;
Стратегийн зорилт 2: Орон нутгийн өмчийн эзэмших, ашиглах, хамгаалахтай холбоотой бүртгэл, тооллого явуулах, орон нутгийн өмчийн бүрэн бүтэн байдал, орон нутгийн өмчит болон орон нутгийн өмчийн оролцоотой хуулийн этгээдийн санхүүгийн байдалд хяналт тавих;
Стратегийн зорилт 3: Худалдан авах ажиллагааг төлөвлөн батлагдсан төсвийн хүрээнд ил тод, өрсөлдөх тэгш боломжтой, үр ашигтай байх зарчимд тулгуурлан зохион байгуулах, тайлагнах;
Стратегийн зорилт 4: Захиргааны болон хүний нөөцийн удирдлагын манлайллыг хангах, хууль, эрх зүйн зөвлөгөө, дэмжлэг үзүүлэх, мэдээлэл, технологийн хөгжлийг хангах.
ЧИГ ҮҮРЭГ
Худалдан авах ажиллагааг төлөвлөх, батлагдсан төсвийн хүрээнд ил тод, өрсөлдөх тэгш боломжтой, үр ашигтай байх зарчимд тулгуурлан зохион байгуулах, тайлагнах, худалдан авах ажиллагааны тогтолцоонд техник технологи, тендер шалгаруулалтын үйл ажиллагаанд хүний оролцоог багасгасан үйл ажиллагаа дэмжин ажиллах, Орон нутгийн өмчийн талаар бодлого, чиглэл, баримт бичгийн төсөл боловсруулах, орон нутгийн өмчит болон орон нутгийн өмчийн оролцоотой аж ахуйн нэгжийн засаглалийг сайжруулах, өмчийн нэгдсэн бүртгэл хөтөлж, мэдээллийн сан бүрдүүлэх, бүртгэлээр хяналт тавих зэрэг чиг үүргийг хэрэгжүүлэн ажиллаж байна.