2020 оны 07 сарын 06-ны өдөр Сумын Иргэдийн Төлөөлөгчдийн Хурлаар Сумын залуучуудын хөтөлбөрийн 2019 оны хэрэгжилтийг танилцуулав. Сумын залуучуудын хөгжлийн дэд хөтөлбөр 2019 онд батлагдсан бөгөөд 2019 онд 14 ажлыг хэрэгжүүлэхээр төлөвлөсөн. Сумын ИТХ-аас залуучуудын хөтөлбөрийн 2019 оны хэрэгжилтийг 62.5 хувь буюу ЭРЧИМЖҮҮЛЭХ ШААРДЛАГАТАЙ гэж үнэлсэн.
2020 онд орон нутгийн хөгжлийн сангийн хөрөнгөөр хэрэгжүүлэх хөтөлбөр төсөл, арга хэмжээ, байгаль хамгаалах сангийн хөрөнгөөр хэрэгжүүлэх хөтөлбөр төсөл, арга хэмжээний жагсаалтад тус тус өөрчлөлт оруулав
Олон улсын хүүхдийн эрхийг хамгаалах өдөрт зориулсан Ирээдүйн одод-2020 дууны уралдаан, Бяцхан фото мисс, жентельмэн-2020 фото зургийн цахим уралдаануудыг зохион байгуулж, шагналыг гардууллаа. Бяцхан фото мисс, жентельмэн-2020 фото зургийн цахим уралдаанд 2-7 насны 38 хүүхэд фото зургаа ирүүлсэн бол Ирээдүйн одод-2020 дууны уралдаанд 21 хүүхдийн дууны бичлэгийг цахимаар ирүүлсэн байна. Уралдаан тус бүрт насны ангилалаар шагналыг гардуулж, нийт ирүүлсэн дуу болон фото зургийг цахим орчинд нийтийн хүртээл болголоо.
Сумын 100 хүүхдийн цэцэрлэгийн барилгын ажлыг Гурвандэлгэр ХХК гүйцэтгэж байгаа бөгөөд энэ 5 сараас эхлэн үргэлжлэн хийгдэж байна. 2020 оны 05 сарын 29-ны байдлаар 2-р давхрын гадна хана, дотор хана хучилт, гадна бохирын ажлууд хийгдсэн байна. Дотор парпетан ханын өрлөгийн ажил хийгдэж байгаа бөгөөд барилгын ажил хэвийн явагдаж байна. Барилгын төсөвт өртөг 933,7 сая төгрөг.
Нутгийн шүтээн шилийн зоо уулын тахилга зуны эхэн сарын шинийн 9-ний билигт сайн өдөр зохион байгууллаа. Энэ өдөд нь лусын буулттай, хөх нохой өдөр тохиосон тул алсаас уул ус тэнгэр хангайдаа цай сүүнийхээ дээжийг өргөхийг айл өрхөд уриалав.
Олуулаа хийсэн буян түм бумаар аривждаг ардын сайхан сургаал бий.
Статистикийн тухай хуулийн дагуу 2020 оны хагас жилийн малын түүвэр судалгааг 2020 оны 05 сарын 25-ны өдрөөс 05 сарын 31-ний өдрүүдэд үндэсний Статистикийн хорооноос өгсөн заавар чиглэлийн дагуу зохион байгууллаа. Малын түүвэр судалгааг сумын Засаг даргаар ахлуулан статистик хариуцсан мэргэжилтэн, Багийн Засаг дарга нар, тоологч, жолооч нарын бүрэлдэхүүнтэй 3 багт ажиллалаа. Хагас жилийн малын түүвэр судалгаанд 3 багийн 61 өрхийг хамрууллаа.
Өндөршил сумын хэрэглэгчдэд борлуулах дулааны эрчим хүчний тарифын тогтоолын төсөлд санал авч байна.
Санал хүсэлт хүлээн авах:
Хэрэглэгч та тогтоолын төсөлтэй холбоотой санал, хүсэлтээ албан ёсоор бичгээр Эрчим хүчний зохицуулах зөвлөлд ирүүлэх эсвэл bbyambasuren51@gmail.com и-мэйл хаягаар ирүүлнэ үү. Тогтоолын төслийн дэлгэрэнгүй . .
Монгол Улсын Үндсэн хуулийн өдөрт зориулсан Шатрын тэмцээн, гар бөмбөгийн тэмцээнийг тус тус зохион байгуулав. Үндсэн хуулийн талаар сургалт зохион байгууллаа. . Үндсэн хуулийн сургалтанд нийт 30 төрийн албан хаагч оролцсон.
Өндөршил сумын Улаан загалмайн анхан шатны хорооноос "Хүмүүнлэгийн үйлсэд хамтдаа" уулзалтыг зохион байгуулж 1-р баг, 2-р багийн тус бүр 5 малчинд 5 шуудай тэжээл, 3-р багийн 2 айл өрхөд 1тн нүүрсийг гардуулан өглөө. 1-р багийн малчин Давгасүрэн, Эрдэнэбаатар, Өлзий-Орших, Баярсайхан, Баянмөнх, 2-р багийн малчин Ухна, Цэцэнбаатар, Энхбаатар, Сарангэрэл, Жаргал, 3-р багийн иргэн Баярсайхан, Түмэнбаяр нарт өвс, тэжээл гардуулж өглөө.
