АЛСЫН ХАРАА
Сайнцагаандаа сайхан амьдарцгаая
ЭРХЭМ ЗОРИЛГО:
Хүмүүнлэг иргэний ардчилсан нийгмийг цогцлуулан хөгжүүлж, байгаль орчноо дээдлэн хамгаалж, амьдралын эрүүл таатай орчинг бүрдүүлж, эрчимжсэн мал аж ахуйд түшиглэсэн боловсруулах үйлдвэрлэл бүхий эдийн засгийн өрсөлдөх чадавхтай говийн бүсийн тулгуур төв болох.
ЭДИЙН ЗАСГИЙН ХӨГЖЛИЙН ТЭРГҮҮЛЭХ ЧИГЛЭЛ:
1. Эрчимжсэн болон уламжлалт мал аж ахуйн үйлдвэрлэлийг зохистой хослуулан хөгжүүлэхийг чухалчилна.
2. Мал аж ахуйн түүхий эдэд тулгуурласан боловсруулах үйлдвэрлэлийг хөгжүүлэх .
3. Хэрэглэгчдийн эрэлт, хэрэгцээнд тохирсон чанар, хүртээмжтэй худалдаа , ахуй үйлчилгээ болон бусад үйлчилгээг хөгжүүлнэ.
дэлгэрэнгүй . .
Сайнцагаан сумын ИТХурлын 2013 оны 11 дүгээр сарын 14-ний 97 тоот тогтоолоор сумын бэлгэдэл / лого/ батлагдлаа. Тус сумын Мандал багийн иргэн Жуухай овогтой Ганзоригийн уран бүтээл юм.
Сумын бэлгэдлийн тайлбар
Бэлгэдэлд байгаа зонхилох ХӨХ, ШАР,ЦАГААН 3 ӨНГӨ НЬ эцэг хөх тэнгэр, их дэлхий үргэлжид өнөр өтгөн үржиж арвижихын бэлгэдэл юм.
ОРОЙН ДЭЭД ХЭСЭГТ БАЙРЛАХ НАР, САР, ГАЛ НЬ одоо, ирээдүй, өнгөрсөн гурван цагт балчир, идэр, өтгөс үеэрээ үүрд мөнхжин , мөнх хөх тэнгэрийн дор батжин бэхжихийн бэлгэдэл.
ЦАГААН МОРЬ НЬ адуугаа эрхэмлэн дээдэлдэг нүүдлийн соёл иргэншлийг харуулсан. Сайнцагаанчуудын хийморь сүлд нь мөнхөд өөдрөг байж, ургах нарны өөд хурдтайгаар тэмүүлэх байдлыг мориор төлөөлүүлжээ.дэлгэрэнгүй . .
Үг. Ж.Дашзэвгэ Ая. Б.Эрдэнэбаяр
Харийн газраас бишрэн тэмүүлсэн
Хайрхан, Хонгор, Тэвш уулс минь
Хар багаасаа ундаалан өссөн
Хатан булаг рашаан ус минь
Ай даа дээдсийн өлгий
Ая дууны эгшиглэн
Алтан нутаг минь
Адуу мал сүрэглэн бэлчсэн
Аглаг уудам тал нутаг минь
Агь гангын үнэр анхилсан
Алтан шаргал говь минь
Ай даа дээдсийн өлгий
Ая дууны эгшиглэн
Алтан нутаг минь
Түмэн сүргийн туураар тамгалсан
Түүхт домогт унасан газар минь
Зон олны ухаанын тольдон
Золгож угтсан унаган нутаг минь
СУМ ҮҮССЭН НЬ: Эдүгээгийн Сайнцагаан нь урьдын Түшээт хан аймгийн Дайчин бээсийн хошууны баруун сумын нутаг байжээ. Харин Ардын засгийн газраас 1923 онд батлан гаргасан “Улсын нутгийн захиргааны дүрэм”-ийн дагуу Хөх хулгана жилийн хавар тавдугаар сарын 3-нд Богд хан уулын аймгийн Дэлгэрцогт уулын хошууны харьяанд Сайнцагаан сум анх үүссэн түүхтэй.
Энэ сумаа Сайнцагаан гэж нэрлэсний учир нь эрт цагт амны сайн устай, элбэг ундрагатай нэгэн худгийг ард түмэн Сайнжаргалан хэмээн нэрийдсэн байдаг. Зон олонд хийгээд мал сүрэгт маань жаргал болсон тэр худгийн хойморт орших, тэрүүхэндээ л өндөрлөг дүнхгэр овоог цагаан нуруутай болхоор нь Цагаан овоо хэмээн нэрлэжээ. Хуучин Дайчин бээсийн, тэр үеийн Дэлгэрцогт уулын хошууны баруун су мын нутагт хамаарах энэ уул, усыг сонгон, төвлөрсөн сумаа хэрхэн нэрлэх тухайд ардууд хэлэлцээд Сайнжаргалан худгийнхаа нэрнээс “Сайн”-ыг Цагаан овооныхоо нэрнээс “Цагаан”-ыг сонгохоор тогтсон юмсанжээ.дэлгэрэнгүй . .
