ОЛОН НИЙТИЙН ОРОЛЦООНД ТҮШИГЛЭСЭН ХАЛАМЖИЙН ҮЙЛЧИЛГЭЭНИЙ БҮЛГИЙН ТӨСӨЛ ХЭРЭГЖҮҮЛЭХ ИРГЭДЭД ЗОРИУЛСАН САНХҮҮГИЙН ДЭМЖЛЭГ ОЛГОХ ТӨСЛИЙН ЗАРЛАЛ
Зорилго: Олон нийтийн оролцоонд түшиглэсэн халамжийн үйлчилгээний үр дүнд нийгмийн халамжийн дэмжлэг, туслалцаа зайлшгүй шаардлагатай өрх иргэнийг нийгэмшүүлэх, хамт олны бүлэг бүрдүүлэх, орлогын эх үүсвэртэй болгох төсөлд хамруулж, амьдрах ухаанд сургахад оршино.
Төсөлд хамрагдах зорилтот бүлэг нь: Нийгмийн халамжийн тухай хуулийн 18.2 :
- Ахмад настан
- Хөгжлийн бэрхшээлтэй иргэн
- Өрх толгойлсон, эцэг/эх
- Хүнд нөхцөлд байгаа хүүхэд
- Хүчирхийлэлд өртсөн иргэн
- Хорих ангиас суллагдсан иргэн
- Согтуурах мансуурах донтох өвчтэй иргэн
- Орон гэргүй тэнэмэл амьдралтай өрх, иргэн
- Шилжин суурьшсан эмзэг бүлгийн өрх иргэн
- Хөгжлийн бэрхшээлтэй иргэн, хүүхдийн асран хамгаалагч
Мөн зорилтот бүлгийн дараах иргэд: Нийгмийн халамжийн тухай хууль : 3.1.2:
- “Нийгмийн халамжийн дэмжлэг, туслалцаа зайлшгүй шаардлагатай өрхийн гишүүн-иргэд” тус тус хамрагдана.
Төсөл хэрэгжүүлэгч иргэнд тавигдах шаардлага:
- Зорилтот бүлгийн 2 өрхийн 2 ба түүнээс дээш иргэд хамтран бүлэг болж амьдралаа дээшлүүлэх, орлогоо нэмэгдүүлэх зорилгоор жижиг бизнесийн төсөл бичих
- Нийгмийн халамжийн үйлчилгээний хэлтэс, Хөдөлмөр эрхлэлтийн хэлтсийн төсөл хөтөлбөрт хамрагдаж байгаагүй өрх иргэн байх
- Бүлэг нь үйл ажиллагаагаа эхэлсэн, төсөл хэрэгжүүлэхэд шаардлагатай тодорхой хэмжээний өөрсдийн нөөц боломжтой байх нь давуу тал болно.
- Төсөл нь баримт бичгийн шаардлага хангасан байна.
- Санхүүжилтийг зориулалтын дагуу зарцуулсан тохиолдолд эргэн төлөлтгүй.
- Сүүлийн 3 жилд бүлгийн төсөлд хамрагдсан өрх, бүлгийн гишүүдийн төслийг хүлээн авахгүй
Төсөлд хавсаргах баримт бичиг:
1. Иргэний үнэмлэхний хуулбар
2. Багийн Засаг дарга, нийгмийн ажилтаны тодорхойлолт
3. Бүлгийн төсөлд хамрагдахыг хүссэн өрх, бүлгийн гишүүдийн гарын үсэг зурсан гар өргөдөл
Хөгжлийн бэрхшээлтэй иргэний хувьд:
• Хөгжлийн бэрхшээлтэйг тодорхойлох баримт бичгийн хуулбар /Эмнэлэг хөдөлмөрийн магадлах комиссын шийдвэр болон холбогдох бусад баримт бичгийн хуулбар байх бөгөөд эдгээр нь хүчинтэй хугацаа нь дуусаагүй байх/
Өрх толгойлсон, эцэг/эх-ийн хувьд:
• Тухайн иргэний өрх толгойлсон тухай оршин суугаа газрын багийн Засаг даргын тодорхойлолт.
Хөгжлийн бэрхшээлтэй хүүхэдтэй өрх:
• 16 насанд хүрээгүй хөгжлийн бэрхшээлтэй хүүхдийг тодорхойлсон аймаг, сумын хөгжлийн бэрхшээлтэй хүүхдийн Эрүүл мэнд, боловсрол, нийгмийн хамгааллын комиссын шийдвэрийн хуулбар.
Хүчирхийлэлд өртсөн иргэний хувьд:
• Хүчирхийллийн улмаас хамгаалалт шаардлагатай болсон бол энэ тухай цагдаагийн байгууллагын тодорхойлолт, эсхүл мэргэжлийн нийгмийн ажилтны нөхцөл байдлын үнэлгээ, тодорхойлолт
Хорих ангиас суллагдсан иргэн хамрагдах бол:
• Иргэний тухайд ял шийтгэл эдэлж байгаад суллагдсан тухай шүүхий шийдвэр гүйцэтгэх газрын тодорхойлолт
Согтуурах, мансуурах донтох өвчтэй иргэний тухайд:
• Холбогдох нарийн мэргэжлийн эмчийн буюу эмнэлгийн байгууллагын дүгнэлт
Бусад зорилтот бүлгийн хувьд:
• Гэр оронгүй тэнэмэл амьдралтай өрх, иргэнд тухайн иргэний гэр оронгүй тэнэмэл амьдралтайг судлан тогтоосон мэргэжлийн нийгмийн ажилтны тодорхойлолт
• Нийгмийн халамжийн дэмжлэг, туслалцаа зайлшгүй шаардлагатай иргэн шилжин ирсэн тохиолдолд тухайн иргэний шилжин ирсэн тухай багийн Засаг даргын тодорхойлолт
Харъяа сумынхаа Амьжиргааг дэмжих зөвлөлийн хурлаар хэлэлцүүлсэн хурлын тэмдэглэл зэргийг бүрэн бүрдүүлсэн байна.
Төслийн үйл ажиллагааны чиглэл:
• Өрхийн үйлдвэрлэл /оёдол, гутал, уран зураг, гар урлал, эсгий ширэн эдлэл бусад жижиг эдлэлийн үйлдвэрлэл/
• Хүнсний үйлдвэрлэл /талх нарийн боов, сүүн сүүн бүтээгдэхүүн, мах махан бүтээгдэхүүн, хагас боловсруулсан хүнсний бүтээгдэхүүн бусад хүнсний үйлдвэрлэл/
• Газар тариалан /Хүнсний ногоо, хүлэажийн аж ахуй, мод бут ногоо даршлах/
• Барилгын материал /Блок, тоосго, вакум цонх болон бусад материал/
• Хөнгөн үйлдвэрлэл /арьс нэхий ноос ноолуур боловсруулах, сүлжмэл эдлэл/
• Гоо сайхан, үсчин, маникюр, педикюр
Төсөл хүлээн авах хугацаа:
• 2023 оны 02 сарын 01-ээс 02 сарын 27-ны 17.00 цаг хүртэл сум хариуцсан Хөдөлмөр халамжийн үйлчилгээний асуудал хариуцсан мэргэжилтэн тус тус хүлээн авна.
Лавлах утас: 70592109
