Монгол Улсын Ерөнхийлөгчийн 2003 оны 105 дугаар зарлигаар жил бүрийн 5 дугаар сарын эхний 7 хоногийн “Ням” гаригийг “Үндэсний бичиг үсгийн баяр”-ын өдөр болгон монгол орон даяар тэмдэглэдэг бөгөөд энэ хүрээнд Дундговь аймаг “Үндэсний бичиг үсгийн баяр”-ыг энэ сарын 2-ны өдөр аймгийн хэмжээнд тэмдэглэн өнгөрүүллээ.

Тус үйл ажиллагаанд 15 сумын хүүхэд багачууд, төрийн албан хаагчид, иргэдийн төлөөлөл, аймаг, сумдын хэлний бодлогын салбар зөвлөлийн гишүүд, аймгийн төвийн монгол хэл, уранзохиолын багш нар, Сайнцагаан сумын сургуулийн удирдлагууд, Политехник коллежийн удирдлага, багш нар болон ахмад багш нарын төлөөлөл нийт 1894 хүн оролцсон байна. Энэхүү арга хэмжээнд Луус сум идэвхтэй сайн оролцож, иргэдийн Хурлын Төлөөлөгч Б.Сувдаа хичээнгүй бичиг, минутын уншлага төрлөөр тус бүр нэг дүгээр байр, Алтан хонх тэмцээнд хоёрдугаар байр эзэлсэн амжилтууд гаргасанд талархаж баяр хүргэе.

ӨСӨХӨӨС СУРСАН ҮНДЭСНИЙ ХЭЛ МАРТАЖ БОЛШГҮЙ СОЁЛ