Манай сумын нутаг дэвсгэрт үлийн цагаан Оготны тархалт жил ирэх тусам нэмэгдэж бэлчээрийн доройтолд оруулах ЦӨЛЖИЛТ үүсэхэд нөлөөлж байна. Суварга багийн нутаг дэвсгэрийн 80 хувь, Наран багийн нутаг дэвсгэрийн 40 хувь, Буянт багийн нутаг дэвсгэрийн 70 хувь нь үлийн цагаан оготны тархалттай байна.

       Иймд бэлчээр усаа хамгаалах зорилгоор үлийн цагаан огтонотой тэмцэх ажлыг шат дараатайгаар зохион байгуулахаар төлөвлөж байгаа бөгөөд энэ ажлын хүрээнд Малын тоо толгойн албан татварын эх үүсвэр 5.000.000 төгрөгийн хөрөнгө оруулалтаар 24 ширхэг шувууны суултыг Суварга багийн 14 цэг, Наран багийн 3 цэг, Буянт багийн 7 цэгт байршуулан ойролцоо нутаглаж буй малчин өрхүүдтэй “Эд хөрөнгө хамгаалах” хариуцлагын гэрээ байгуулан хүлээлгэн өгөв. Тус ажлыг хийж гүйцэтгэх саналыг орон нутгийн 3 иргэнд урилга хүргүүлсэнээс Суварга багийн иргэн Д.Энхбаатар үнийн саналаа ирүүлэн сумын Төсөл сонгон шалгаруулах ажлын хэсэг хэлэлцэн шалгаруулсан байна.

          Иргэн Д.Энхбаатар нь батлагдсан зураг төсөв гэрээнд тавигдсан шаардлагын дагуу хугацаандаа хийж гүйцэтгэлээ.Нэг Идлэг шонхор шувуу өдөрт 13- 60 ширхэг үлийн цагаан оготно иддэг байна. Шувууны суулт байршуулснаар махчин шувуудын тоо нэмэгдэж, мэрэгчдийн тоо толгой цөөрөх ач холбогдолтой.