Өлзийт сумын 1-р багийн нутагт Хөтөлд ОНХС-н хөрөнгөөр /Малын тоо толгойн албан татвар/ 20 сая төгрөгийн өртгөөр хийгдэх “Бог мал угаалгын банн барих” ажлыг төслийн гүйцэтгэгч Б.Мөнхбаатар ахлагчтай “Ган-Оч” бүлэг Мал эмнэлгийн Ерөнхий газрын даргын баталсан зургийн дагуу бүрэн гүйцэтгэлтэйгээр хийж дууссан байна. Сумын ЗДТГазрын Даргын 2023 оны 06 сарын 12-ны өдрийн А/16 тоот захирамжаар томилсон ажлын хэсэг “Бог мал угаалгын банн барих” ажлыг газар дээр нь очиж гүйцэтгэлтэй танилцан хүлээн авлаа. Уг банн барих ажил хийгдсэнээр 1-р багийн Тал, Загийн ус, Хөтөлд нутагладаг 25 өрх стандартад нийцсэн бог мал угаалгын баннтай болж малын эрүүл мэндийг хамгаалах, халдварт өвчнөөс урьдчилан сэргийлэх үйл ажиллагаанд дэмжлэг болсон хөрөнгө оруулалтын ажил юм.