“Дундговь түншлэл - 2023” үзэсгэлэн худалдаанд 14 сумын 102 үйлдвэрлэл, үйлчилгээ эрхлэгч оролцож, хоёр өдрийн турш 75 гаруй сая төгрөгийн борлуулалт хийжээ.

Үзэсгэлэн худалдааны хаалтын үйл ажиллагааны үеэр аймгийн Засаг дарга Ц.Мөнхбат сумдаас ирсэн үйлдвэрлэл, үйлчилгээ эрхлэгчдэд талархал илэрхийлэн, цаашдын үйл ажиллагаанд нь амжилт хүсч, цаашид үзэсгэлэн худалдааг илүү өргөн дэлгэр зохион байгуулах, оролцогчид бүтээгдэхүүн, үйлчилгээний тоог нэмэгдүүлэх хэрэгцээ, шаардлага байгааг онцолсон юм.

Үзэсгэлэн худалдааны үеэр аймгийн онцлох, шилдэг бүтээгдэхүүн үйлдвэрлэгчдээ шалгарууллаа.

Үүнд:

Шилдэг зохион байгуулалттай сум:- Дэлгэрцогт сум

Шилдгийн шилдэг гран при - Ш.Бөндөгхорол /Эрдэнэдалай сум/

Шилдэг сүү, сүүн бүтээгдэхүүн - С.Дэлгэржаргал /Луус сум/- Д.Батцэцэг /Дэрэн сум/, - М.Намсрай /Гурвансайхан сум/- Ж.Батсайхан /Адаацаг сум/

Шилдэг газар тариалангийн бүтээгдэхүүн- Д.Тунгалаг /Сайнцагаан/- Б.Цэндмаа /Баянжаргалан сум/

Шилдэг аж үйлдвэрийн бүтээгдэхүүн- “Урам кидс” ХХК /Сайнцагаан сум/

Шилдэг гар урлалын бүтээгдэхүүн - Ц.Баатар /Сайнцагаан сум/

Шилдэг орон нутгийн онцлогтой нийтийн хоолны үйлдвэрлэл - “Ээлт бор хайрхан” ХХК /Сайнцагаан сум/

Шилдэг хүнсний бүтээгдэхүүн - “Анар Ивээл” ХХК /Эрдэнэдалай сум/ нар тус тус шалгарчээ.