ЛУУС СУМЫН ХҮҮХДИЙН ЦЭЦЭРЛЭГ: Луус сумын хүүхдийн цэцэрлэгийн БНЗ, ЗАН-ээс Монголын өв уламжлалын баяр “Цагаан сар”-ыг угтан анги бүлгүүдийн нийт хүүхдийн дунд “Шагайгаар наадацгаая” үйл ажиллагааг зохион байгууллаа. Тус үйл ажиллагааг 2-5 насны ангиллаар явуулж, хүүхдийн насны онцлогт тохирсон шагайн наадмыг тоглуулан хүүхэд бүрийн танин мэдэхүйг хөгжүүлэн тэдний идэвхи, сонирхлыг өрнүүллээ. Хүүхдүүд тоглох явцдаа шагайны 4 талыг нь ялган зөв нэрлэх, шагайг зөв орхих зэрэг чадваруудыг эзэмшсэн бөгөөд өөрийн ээлжийг хүлээх төлөвшилд суралцлаа. 5 настай Бэлтгэл бүлгийн хүүхдүүд “Морь уралдуулах” наадмыг тоглож сурлаа.Мөн бүх бүлгийн аавуудын дунд “Шагай хамах” тэмцээнийг зохион байгуулж аавуудын авхаалж самбааг сорилоо. Үйл ажиллагаанд идэвхитэй оролцсон хүүхдүүд, эцэг эхчүүд, зохион байгуулахад оролцсон багш, ажилчдадаа талархал илэрхийлэе!