“Осол гэмтлээс сэргийлэх” аяны хүрээнд Хөгжлийн бэрхшээлтэй хүний хөгжлийн төвтэй хамтран “Миний муу найз” өдөрлөг арга хэмжээг тус цэцэрлэгийн багш, ажилчид, суралцагч хүүхдүүдийг хамруулан зохион байгууллаа.

Тус арга хэмжээний хүрээнд Эрүүл мэндийн газраас “Ахуйн осол гэмтлээс урьдчилан сэргийлэх нь” сургалтыг багш, ажилчдад зохион байгуулж Боржигон Мандал өрхийн эрүүл мэндийн төвөөс багш, ажилчид болон хүүхдүүдэд витаминаар хангалаа. Мөн Хөгжлийн бэрхшээлтэй хүний хөгжлийн төвийн мэргэжилтнүүд бага насны хүүхдийн амтатны зохисгүй хэрэглээ, гар утасны донтолтоос сэргийлэх чиглэлээр сургалтыг жүжигчилсэн хэлбэрээр зохион байгуулж, 30 хүүхэдэд хөлний нум оношлох хэмжилтийг хийж, зөвлөгөө өгч ажиллалаа.