“АЙМГИЙН АЛДАРТ УЯАЧ” ЦОЛНЫ БОЛЗОЛ ХАНГАСАН УЯАЧИД ЦОЛ, ТЭМДГЭЭ ГАРДАН АВЛАА.Дундговь аймгийн “Нарны хүлэг” Уяачдын холбооны Тэргүүлэгчдийн хоёрдугаар хуралдааны шийдвэрээр алдарт уяачийн болзол хангасан 2 дугаар багийн иргэн Тунсагийн Цолмон “Аймгийн Алдарт уяач” цол, тэмдгээр шагнагдлаа. Аймгийн баяр наадам, аймгийн бүсийн уралдааны 11 айраг, сумын тэгш ойн 1 айраг хүртсэн амжилтаараа “Аймгийн Алдарт уяач” хэмээх хүндтэй шагналыг хүртсэн Т.Цолмондоо нутгийн зон олноос халуун баяр хүргэж, эрүүл энх, сайн сайхныг хүсэн ерөөе.