БИОЛОГИЙН ОЛОН ЯНЗЫН БАЙДЛЫГ ХАМГААЛАХ, УУР АМЬСГАЛЫН ӨӨРЧЛӨЛТӨД ДАСАН ЗОХИЦОХ II, III” ТӨСӨЛ ХЭРЭГЖЛЭЭ. Монгол Улсын Засгийн газар, Холбооны Бүгд Найрамдах Герман Улсын Засгийн газар хоорондын буцалтгүй тусламжийн хэлэлцээрийн хүрээнд: Германы зээлийн банк (KFW)-ны хөрөнгө оруулалтаар Байгаль орчин аялал, жуулчлалын яаманд хэрэгжиж буй “Биологийн олон янзын байдлыг хамгаалах, уур амьсгалын өөрчлөлтөд дасан зохицох II, III” төслөөс Улсын тусгай хамгаалалттай газар нутгийн орчны бүс Өлзийт сумын Ерөнхий боловсролын сургуульд 66 сая төгрөгийн өртөг бүхий “Эко кабинет”-ыг байгууллаа. Төсөл хэрэгжүүлэх арга зүйн сургалтад сургуулийн захирал, хими биологийн багш нар хамрагдаж сургалтын хэрэглэгдэхүүн, компьютер, тавилга, тоног төхөөрөмж ширээ сандал зэрэг 43 нэр төрлийн эд хөрөнгийг хүлээн авч кабинетыг тохижуулаад байна. Үүнд: Сурагч ширээ 35, сандал 35, шкаф 1, багш ширээ 1, багш сандал 1, ухаалаг дэлгэц 75инч 1ш, зөөврийн компьютер 1ш, зургийн аппарат 1ш, 3 үйлдэлт принтер 1ш, 1-9-р ангийн Байгалийн ухааны иж бүрэн 7 нэр төрлийн хичээл сургалтын хэрэглэгдэхүүнтэй хичээл сургалтын үйл ажиллагааг явуулж байна.