Газар хөдлөлтийн аюулыг олон нийтэд таниулах, газар хөдлөлтийн аюул тохиолдсон үед нутгийн захиргааны байгууллага, онцгой комисс, хувийн хэвшил, иргэдийн үүргийг тодорхой болгох, бодит нөхцөл байдлыг тодорхойлох гамшгийн хариу арга хэмжээг хэрэгжүүлэх, хор уршгийг арилгах мэдлэг дадлага олгох зорилгоор 2017 оны 67 дугаар тогтоолоор батлагдсан “Газар хөдлөлтийн гамшгаас урьдчилан сэргийлэх таниулах өдөр” буюу 2024 оны 03 дугаар сарын 28-ны 16:00 цагт зохион байгуулсан Гамшгийн аюулын зарлан мэдээллийн дохиогоор газар хөдлөлтийн бэлэн байдлын дадлага сургуульд 134 иргэн, 19 техник хэрэгсэл оролцлоо. Зарлан мэдээллийн дохиог 3 удаа дуугаргаж ард, иргэдийг аюулгүй талбайд цуглуулан Дуут дохио дуугарахад хийх 3 алхам болон Газар хөдлөлтийн гамшгийн үед үүсэх нөхцөл байдал, учирч болох хүндрэлүүдийн талаар мэдээлэл хийлээ. Мөн ЕБС-ийн 160 хүүхэд, цэцэрлэгийн 39 хүүхдэд газар хөдлөлтийн гамшгаас урьдчилан сэргийлэх сурталчлан таниулах цахим сургалт, видео контент үзүүллээ.