Ахмадуудын нийгэм соёл, олон нийтийн арга хэмжээ зохион байгуулах Сайнцагаан сумын засаг даргын 2024 оны 01 сарын 15-ны өдрийн А/12 тоот захирамжийн дагуу сар бүр ахмадуудын дунд ДУУЛАХ ӨДӨР дуун цэнгүүнийг зохион байгуулах хуваарьтай байдаг бөгөөд 4/15-19 ны хооронд улсын хэмжээнд БАЙГУУЛЛАГЫН болон БАГШИЙН ГҮЙЦЭТГЭЛИЙН ҮНЭЛГЭЭ  сургуулийн өмнөх боловсролын байгууллагуудад зохион байгуулагдах тул ахмадын байгууллагын удирдлагуудтай тохиролцож урьдчилан зохион байгууллаа.

Энэ удаа дуун цэнгүүний оронд ахмадуудынхаа оюунд хөрөнгө оруулалт хийж СТРЕСС МЕНЕЖМЕНТ хувь хүний хөгжлийн сургалт , хөгжөөнт дасгал тоглоом зохион байгуулж харилцан бие биендээ урам дэм өгсөн үйл ажиллагааг улсын тэргүүний 3-р цэцэрлэгийн  удирдлага , багш нарын зүгээс зохион байгууллаа. Ахмадууд маань идэвхтэй санаачлагатай сэтгэл хангалуун оролцож талархлаа илэрхийллээ.

Мөн тус сарын ажлынхаа хүрээнд ҮЛГЭРЧ ӨВӨӨ ЭМЭЭ шалгаруулах уралдааны удирдамжийг багийн ахмадын хороон дарга нарт хүргэлээ. Тус удирдамжийн зорилго нь бага насны хүүхдийн цахим хэрэглээнээс татгалзах хүүхэддээ чанартай цаг гаргаж, хүүхдийнхээ хөгжил төлөвшилд нөлөөлөх хүмүүжлийн ач холбогдолтой юм. Уралдаан цахимаар явагдах бөгөөд уралдаанд ирүүлсэн бүтээлээр бид шалгаруулж эхний 3 байр, мөн багаас хамгийн идэвхтэй оролцсон 1 багийг шалгаруулна.

Та бүхэндээ эрүүл энх аз жаргал бүхний дээдийг ерөөе , уралдаанд нь амжилт хүсье...