2024 оны 09 дүгээр сарын 28-ны өдөр сумын “Ахмадын хороо, Засаг даргын Тамгын газар, Соёлын төв, Эрүүл мэндийн төв хамтран ахмадын баярыг зохион байгуулж, үйл ажиллагаанд 95 ахмадууд оролцлоо.Баярын үеэр шагналын хур бууж Хөдөө аж ахуйн яамны тэргүүний ажилтан цол тэмдгээр Ж.Чимэг, Аймгийн Хүндэт тэмдгээр Л.Мягмар, У.Энхжаргал, Аймгийн Засаг даргын Жуух бичгээр Б.Бүд, Ш.Дашням, Б.Адъяа, Сумын хүндэт тэмдгээр Н.Уртнасан, М.Тогтох, Ц.Бямбаа, Д.Отгонжаргал нар энгэрээ мялаалаа. Ахмадуудын дунд даалуу, шагайн харваа, ширээний теннис, дартс, сумо зэрэг 5 төрлийн тэмцээн зохион байгуулж эхний 3 байрыг шалгарууллаа. Баярын үеэр Аймгийн Уламжлалт анагаах ухааны нэгдсэн эмнэлгийн дарга Х.Чирчинсүрэн, Зөвлөх эмч Л. Бямбаа нар сумын эрүүл мэндийн төвтэй хамтран уламжлалт анагаах ухааны их эмчийн урьдчилан сэргийлэх үзлэгт 50 гаруй иргэнийг хамруулсан байна. Үзлэгийн үеэр шаардлагатай иргэдэд уламжлалт эмчилгээ хийж, мөн зөвлөгөө өгч, уламжлалт анагаах ухааны сургалт зохион байгууллаа. 5-р багийн малчин Б. Амгаланбаатар, Ч.Ариунзул нарын гэр бүлээс жил бүр Ахмадын баяраар цагаан идээний дээжээсээ азын сугалаа явуулдаг уламжлалын дагуу азтан тодрууллаа.