Орон нутгийнхаа иргэдийн эрүүл, аюулгүй орчин нөхцлийг хангах, мал амьтнаас хүнд халдварладаг өвчин, бусдад гэм хор учруулахаас урьдчилан сэргийлэх зорилгоор нохой устгалын ажлыг 2024 оны 09сарын 3-ны өдөр зохион байгууллаа.

Боловсролын сургалтын байгууллагуудын үйл ажиллагаа эхэлсэнтэй холбогдуулан 2024-2025 оны өвөлжилт хаваржилт, хичээл сургалтын бэлтгэл ажлын биелэлт, зөвлөн туслах, тулгамдаж байгаа асуудлуудын санал хүсэлтийг сонсох, тулгамдаж буй асуудлыг шийдвэрлэх цаг үеийн мэдээлэл үүрэг чиглэл өглөө.

Төрийн өмчийн, ашиглалтгүй, хуучнаар Бага сургуулийн барилгад их засвар хийж, "Бизнес хөгжлийн төв" болгон хувиараа хөдөлмөр эрхлэгчид үйлдвэрлэл, үйлчилгээгээ явуулах боломж бүрдүүлж байгаа юм.

Манай сумын нутаг дэвсгэрт үлийн цагаан Оготны тархалт жил ирэх тусам нэмэгдэж бэлчээрийн доройтолд оруулах ЦӨЛЖИЛТ үүсэхэд нөлөөлж байгаа.

Луус сум үүсэн байгуулагдсаны түүхт 100 жилийн ойн баяр наадмын хүчит бөхийн барилдаанд Улсын начин Д.Тамир түрүүлж, Улсын харцага Л.Пүрэвжав үзүүрлэлээ. Цол олгох барилдаанд Луус сумын залуу бөх Ц.Өсөх-Ирээдүй түрүүлж сумын заан цолны болзол хангасан бол Эрдэнэдалай сумын харьяат сумын начин Н.Энхдөл үзүүрлэж, чимэг нэмлээ. #Луус_сум_100_жил

Луус сумын уугуул Зураа овогт Халтарын Нансалмаа нь үр хүүхдүүд, дүү Норовын Бадарчин, Дашзэвгийн Ишцог нарын хамт төрөлх нутгийнхаа 100 жилийн ойд зориулан Эрүүл мэндийн төвд ногоон төгөл бий болголоо.

умын түүхт 100 жилийн ойн “100 бүтээлч'' ажлын хүрээнд төсөвт байгууллагуудын иргэдийн дунд урлагийн бага наадам зохион байгуулагдаж, уралдааныг 11 төрөл 3 шалгуур үзүүлэлтээр шалгаруулан онооны нийлбэр дүнгээр ЗАСАГ ДАРГЫН ТАМГЫН ГАЗАР “Шилдэг”-ээр шалгарлаа.

Сумын түүхт 100 жилийн ойн “100 бүтээлч'' ажлын хүрээнд Ерөнхий боловсролын сургуулийн сурагчдын дунд урлагийн бага наадам зохион байгуулагдлаа.

Засаг даргын тамгын газрын албан хаагчид төв зам дагуу таригдсан ногоон байгууламжийн нөхөн тарилтанд 250 модны суулгац тарьж орчны хог цэвэрлэв.

Гамшгаас хамгаалах бэлэн байдлын үзлэг шалгалтаар Дундговь аймгийн Онцгой байдлын ерөнхий газрын орлогч дарга дэд хурандаа Д.Бат-Эрдэнээр ахлуулсан ажлын хэсэг сумын мэргэжлийн ангийн бэлтгэл, үйл ажиллагааны бэлэн байдлыг шалгаж, мэргэжил арга зүйн зөвлөгөө өгч ажиллалаа.

Дундговь аймгийн “Хүний хөгжлийг дэмжих хөтөлбөр”, “Хүүхэд, гэр бүл, хөгжил хамгааллын жил”-ийн үйл ажиллагааны төлөвлөгөөг хэрэгжүүлэх, Боловсрол, шинжлэх ухааны яам, Жайка олон улсын байгууллагын хэрэгжүүлж буй төслийн хүрээнд ерөнхий боловсролын сургууль, цэцэрлэгийн хүүхдийн нас, бие бялдрын онцлог, өсөлт хөгжилтийн хэрэгцээнд тохирсон хоол ундааг бэлтгэн нийлүүлэх, тогооч нарын мэргэжлийн ур чадварыг нэмэгдүүлэх зорилгоор “Хүүхдийн шим тэжээлт хоол” хоёрдугаар уралдаанд зохион байгуулж, Улаанбаатар хотын Баянзүрх дүүрэг, Өвөрхангай аймаг, Дундговь аймгийн нийт 48 тогооч нар өрсөлджээ.