Улаанбаатар хотын аварга шалгаруулах Урианхай сурын харвуул наадамд Дундговь аймгийн Луус сумын уугуул, Дундговь аймгийн сурын холбооны Их мандал зурхай, “Онч мэргэн” баг, Дундговь цахилгаан түгээх сүлжээ салбарын харваач Б.Отгонхүү 30 сумандаа 28 онож, Урианхай сурын спортын мастер цолны болзол хангаж, 2-р байранд шалгарсан байна.

Улсын Онцгой комиссын даргын шийдвэрээр өвөлжилт, хаваржилт хүндэрсэнтэй холбогдуулан зүй бусаар хорогдсон мал, амьтны сэг зэмийг устгах арга хэмжээг зохион байгуулах ажилд заавар зөвлөмж хүргэх, хяналт тавих зорилгоор ажлын хэсэг сумын Шуурхай штабын бүрэлдэхүүнтэй уулзаж, өвөлжилт хаваржилтын нөхцөл байдал, хорогдсон малын сэг зэм устгалын чиглэлээр хэрэгжүүлж буй ажлын талаарх мэдээлэлтэй танилцан, цаг үеийн холбогдолтой үүрэг чиглэл өглөө.

САЙН ҮЙЛСИЙН ӨДӨР-ийг тохиолдуулан иргэд, олон нийтэд сайн үйлсийн үзэл санааг төлөвшүүлэхэд хувь нэмэр оруулах зорилгоор "НЭГ БАЙГУУЛЛАГА - НЭГ САЙН ҮЙЛСИЙН АЯН"- ны хүрээнд Засаг даргын тамгын газрын албан хаагчид 2024 оны 04 сарын 23-ны өдөр хүүхдийн аюулгүй, цэвэр орчин нөхцөлд анхааран Хүүхдийн тоглоомыг угааж цэвэрлэж орчны хогийг цэвэрлэлээ.

Баяр наадмын үйл ажиллагаанд орон нутгийн төсвөөс 5.0 сая төгрөг зарцуулах эрхтэй түүхт 100 жилийн ойн баяр наадмыг тэмдэглэн өнгөрүүлэхэд шаардагдах төсөв санхүүн бүрдүүлэн ажиллахаар нутгийн залуучуудын санаачилгаар “Луусын хөгжилд хөтлөгч залуус”НҮТББ хамтран ажиллана.

Бэлчээрийн ургамалд хөнөөл учруулж буй үлийн цагаан оготнотой микробиологийн аргаар тэмцэх ажлыг Суварга, Буянт багуудад зохион байгуулан ажиллаж байна. Дундговь аймгийн Хүнс, Хөдөө аж ахуйн газрын мэргэжилтнүүд устгал явуулж буй газар дээр ирж танилцан бэлдмэл цацах үед мөрдөх аюулгүй ажиллагаа болон бэлдмэлийг хадгалах талаар заавар зөвлөгөө өгч ажиллаа.

Аймгийн Засаг даргын санаачилгаар сургуулийн өмнөх боловсролын хүүхдүүдэд “СҮҮ ХӨТӨЛБӨР”-н нээлтийн үйл ажиллагаа зохион байгуулагдлаа.

"Хүнсний аюулгүй байдал, Хүнс эрүүл бол хүн эрүүл" аяны хүрээнд сумын ЗДТГ, аймгийн ХХААГ-ын Хяналтын албаны Хүнсний чанар стандартын болон Мал үржлийн хяналтын улсын байцаагчийн бүрэлдэхүүнтэй ажлын хэсэг хүнсний худалдааны чиглэлээр үйл ажиллагаа эрхлэгч аж ахуйн нэгж байгууллагууд, сургууль, цэцэрлэгт урьдчилан сэргийлэх хяналт шалгалтыг хийж мэргэжил арга зүйн зөвлөгөө хүргүүлэн Хүнсний аюулгүй байдлаа хангаж ажиллах мөрдөгдөж байгаа дүрэм журмаар сургалт зохион байгууллаа.

Луус сумаас Мандалговь зам дагуу малын зүй бус хорогдлын сэг, зэм устгалын ажил хийгдэж дууслаа.

Монгол улсад Биеийн тамир, спортын салбар үүсэж хөгжсөний 100 жил, Банкны тогтолцоо үүсэж бэхэжсэний 100 жилийн ойн хүрээнд Дундговь аймгийн Биеийн тамир, спортын газар, Дундговь аймаг дахь Монгол банкны салбар хамтран аймгийн аварга шалгаруулах Сагсан бөмбөгийн тэмцээнийг энэ сарын 6, 7-ны өдрүүдэд Мандалговь хотноо зохион байгуулагдаж Луус сумын Б.Гантигмаа ахлагчтай эмэгтэй баг тамирчид 2-р байранд шалгаран Мөнгөн медалийн эзэд боллоо.

Сумын төвийн ХОГИЙН ЦЭГ дээрх сэг зэм болон хог хаягдлыг устгаж, анхны төлөвт оруулах ажлыг 7 хоног гүйцэтгэсэн Аймгийн Онцгой байдлын газрын жолооч Мөнгөнзаяа "Бурхант хясаа" ХХК-ны жолооч Батөлзий, Анхбаяр, тухайн ажлыг гүйцэтгэхэд хүн хүчний туслалцаа үзүүлсэн Цагдаагийн хэсэг, нийгмийн хариуцлагаа ухамсарлаж өөрийн нөөц бололцоогоор нэгдсэн талбай болон ухсан нүхэнд сэг зэмээ авчирч хаясан малчдадаа талархал илэрийлье.

“Малчдад туслах аян”-ы хүрээнд төвлөрсөн 39.976.962 төгрөг бүхий мөнгөн хандивыг Малчин өрхөд шатахууны дэмжлэг үзүүлэн нэг малчин өрхөд 104.106 ( нэг зуун мянга нэг зуун зургаа) төгрөг ногдохоор нийт 384 өрхөд хуваарилан шилжүүлж дууссан болно.