Сумын төвийн ХОГИЙН ЦЭГ дээрх сэг зэм болон хог хаягдлыг устгаж, анхны төлөвт оруулах ажил 7 хоног үргэлжилж байна. Иймд иргэд, малчид та бүхэн малын сэг зэмээ яаралтай ачиж ирэх болон цэвэрлэсэн газар ил задгай, замбараагүй хаяхгүй байх тал дээр анхаарч ухамсартай хандана уу‼️

Сангийн яам, Аймгийн Хөгжлийн бодлого төлөвлөлт хөрөнгө оруулалтын хэлтэстэй хамтран сумдын төлөвлөлт хариуцсан албан хаагчдад зориулан "Төсвийн хөрөнгө оруулалт ба цахим шинэчлэл" сэдэвт багц сургалтуудыг зохион байгууллаа.

Нийгмийн даатгалын багц хуулийн шинэчилсэн найруулгыг танилцуулах ажлын хүрээнд ЗДТГ, Соёлын төв, Хүүхдийн цэцэрлэг, эрүүл мэндийн төвийн ажилтан албан хаагчдад сургалт, хэлэлцүүлэг зохион байгууллаа.

ХУРАЛДААНААР: Сумын өвөлжилтийн мэдээлэл, цаашид тулгамдаж байгаа асуудал хандив, тусламжийн эд зүйл, өвс, тэжээлийн хуваарилалт, олголтын талаар хэлэлцлээ. Мөн цаг үеийн холбогдолтой авч хэрэгжүүлж байгаа зарим арга хэмжээний талаарх мэдээллүүдийг сонслоо.

Сумын өвөлжилтийн мэдээлэл, цаашид тулгамдаж байгаа асуудлын талаар хэлэлцлээ.

Сумын Засаг дарга Б.Өлзийхишиг, багийн эмч П.Пүрэвжав нарын албан хаагчдын бүрэлдэхүүн Суварга багийн малчдын ахуй байдалтай танилцаж эрүүл мэнд үзлэг, зөвлөмж, цас зудын нөхцөлд байгаа, хүн хүчний хүрэлцээ муу, шар усны үерт автаж болзошгүй айл өрхүүдэд зөвлөмж хүргүүлэн, санал хүсэлтийг нь сонсож тусламжийн эд зүйлээс хүргэж ажиллаж байна.

Монгол Улсын Засгийн газрын 2024 оны 02 дугаар сарын 28-ны өдрийн 286 дугаар тогтоолоор орон нутгийн малчдад тусламж, үйлчилгээг түргэн шуурхай хүргэх, хаваржилт хүндэрсэн аймгийн 5 сум болох Дэлгэрцогт, Гурвансайхан, Дэрэн, Өндөршил, Луус сумдад туулах чадвар сайтай автомашиныг хүлээлгэн өглөө. Автомашиныг Аймгийн Засаг дарга Ц.Мөнхбат, Сумын Засаг дарга Б.Өлзийхишиг болон холбогдох сумдын Засаг дарга нар хүлээн аваад байна.

Халуун сэтгэлт нутгийн залуус болох Э.Улаанхүү, Э.Баяндэлгэр, У.Мягмарсүрэн, Д.Сэрчиндоо, Б.Цэрмаа нарын санаачилгаар зохион байгуулсан “Малчдадаа туслах хандивын аян” арван өдрийн турш үргэлжлэн 27.179.000 төгрөгийг төвлөрүүлэн 100 шуудай хивэг тэжээл, хүнс, эд материал халуун сэтгэлийн илгээмжийг сумын Онцгой комисст хүлээлгэн өглөө.

Сумын өвөлжилтийн мэдээлэл, цаашид тулгамдаж байгаа асуудлын талаар хэлэлцлээ.

Аймгийн онцгой комиссоос хуваарилагдсан болон сумын нөөц өвсний татан авалт хийхэд туслалцсан Ерөнхий боловсролын сургууль  Р.Лхагвабаяр, Б.Баярхүү, Мөнгөнтогоо, Эрүүл мэндийн төв Т.Оюунчимэг, Б.Баярмаа, Соёлын төв Т.Ганчимэг ЗДТГ, Хүүхдийн цэцэрлэгийн хамт олон болон иргэн Г.Мөнхбаатар, Б.Мөнхжаргал нарт баярлалаа.

Сумын аварга малчин өрх, сумын аварга тэмээчин шалгаруулан Иргэдийн төлөөлөгчдийн хурал, Засаг даргын Тамгын газраас хүндэтгэл үзүүллээ.

Дундговь аймгийн Засаг даргын Тамгын газраас сумд, Засаг даргын эрхлэх асуудлын хүрээний агентлагуудын 2023 оны гэрээний хэрэгжилтийн үр дүнгээр 3-р байранд шалгаран Тэргүүний сумаар шагнагдан 2024 онд сумын Засаг дарга, аймгийн Засаг даргатай хамтран ажиллах гэрээ байгууллаа.