ДУНДГОВЬ АЙМГИЙН НУТГААР: Багавтар үүлтэй. Цас орохгүй. Салхи баруун хойноос секундэд 7-12 метр. +10...+15 градус дулаан байна. МАНДАЛГОВЬ ХОТ ОРЧМООР: Багавтар үүлтэй. Цас орохгүй. Салхи баруун хойноос секундэд 5-10 метр. +12...+14 градус дулаан байна. ЭРДЭНЭДАЛАЙ, САЙХАН-ОВОО СУМ ОРЧМООР: Багавтар үүлтэй. Цас орохгүй. Салхи баруун хойноос секундэд 4-9 метр. +13...+15 градус дулаан байна.

Монгол Улсын Засгийн газар, Жэндэрийн үндэсний хорооноос хамтран зохион байгуулсан “Харилцан хүндэтгэе” аяны хүрээнд Луус сумын хүүхдийн цэцэрлэгийн БНЗ, ЗАН-ээс “Эмэгтэйчүүдийн эрхийг хамгаалах” өдөр, “Монгол цэргийн бахархал”-ын өдрүүдийг тохиолдуулан цэцэрлэгийн хүүхдүүдийн аавуудын төлөөллийг оролцуулан "Аавын 1 өдөр" үйл ажиллагааг зохион байгууллаа.

XVII жарны "Үзэсгэлэн болгогч" хэмээх туулай жилийн сар шинийн босгон дээр Сумын аварга малчин, мянгат малчин өрхүүддээ хүндэтгэл үзүүллээ.

"Үзэсгэлэн болгогч" хэмээх Усан Туулай жилийн Сар шинийн баярыг тохиолдуулан сумын 80 болон 90-ээс дээш насны ахмадуудад аймаг, сумын Засаг дарга нараас хүндэтгэлийн бэлэг гардууллаа.Аваргын өлгий нутгаар овоглосон сайхан нутгийн минь өнөөгийн хөгжил, өнгө төрх та бүхний залуу нас, хөдөлмөр зүтгэл, амжилт бүтээлтэй салшгүй холбоотой билээ.Нутгийнхаа нийт ахмадууд та бүхэн минь Элгээрээ энх амгалан, Төрлөөрөө төвшин амгалан байж, сар шинэдээ сайхан шинэлээрэй.

Аймгийн Засаг дарга захирамжаар сар бүрийн 15-ны өдрийг "Ахмадын өдөр" болгон тэмдэглэн өнгөрүүлэхээр шийдвэрлэж 5 дахь сардаа зохион байгуулагдлаа.Энэ удаагийн Дуун цэнгүүнийг сумын иргэдийн Төлөөлөгчдийн Хурал, Буянт Наранговь ХХК -ны хамтран зохион байгуулж, 50 гаруй ахмад оролцож нэгэн оройг цэнгэн бүжиж үдлээ.

Олон Улсын эмэгтэйчүүдийн эрхийг хамгаалах өдрийг тохиолдуулан Сумын Засаг Даргын ивээл доор зохион байгуулагдсан БҮҮВЭЙ тоглолтонд Авьяаслаг 9 ээж , 10 охин оролцож ая дуу, хөгжим, бүжиг, шүлэг найраглалаар уран бүтээл өргөн барьж сумынхаа иргэд үзэгч олноо баясгасан тоглолт боллоо. Тус үйл ажиллагааг зохион байгуулан ажилласан ЗДТГ-ын хамт олон болон Соёлын төвийн хамт олондоо талархал илэрхийлье.

Сумын Засаг дарга Б.Өлзийхишиг Соёлын төвийн үйл ажиллагаатай танилцан албан хаагчидтай санал солилцож зарим тулгамдсан асуудлыг шийдвэрлэж шинээр томилогдсон дарга М.Жүгдэрсүрэн болон тус хамт олонд ажлын амжилт хүсэн цаашид үүрэг хариуцлагаа өндөрсгөж хариуцлагатай ажиллах чиглэл өгөв.

Монгол Улсын Засгийн газар Жендэрийн үндэсний хорооноос Швейцарын хөгжлийн агентлаг, НҮБ-ын Хүн амын сангийн “Жендэрт суурилсан хүчирхийлэлтэй тэмцэх нь” төслийн дэмжлэгтэйгээр Олон улсын эмэгтэйчүүдийн эрхийг хамгаалах өдөр, Монгол цэргийн өдрийг тохиолдуулан “ХАРИЛЦАН ХҮНДЭТГЭЕ” нэг сарын аяныг үндэсний хэмжээнд 2023 оны 3 дугаар сарын 01-нээс 4 дүгээр сарын 01 хүртэл эхлүүлж байна.

ЛУУС СУМЫН ХҮҮХДИЙН ЦЭЦЭРЛЭГ: Луус сумын хүүхдийн цэцэрлэгийн БНЗ, ЗАН-ээс Монголын өв уламжлалын баяр “Цагаан сар”-ыг угтан анги бүлгүүдийн нийт хүүхдийн дунд “Шагайгаар наадацгаая” үйл ажиллагааг зохион байгууллаа. Тус үйл ажиллагааг 2-5 насны ангиллаар явуулж, хүүхдийн насны онцлогт тохирсон шагайн наадмыг тоглуулан хүүхэд бүрийн танин мэдэхүйг хөгжүүлэн тэдний идэвхи, сонирхлыг өрнүүллээ.

Тус сумын Хүүхдийн цэцэрлэг нь аймаг, сумын ЗД-ын захирамжийг хэрэгжүүлэн 2023 оны 02-р сарын 15-нд "АХМАДЫН ДУУН ЦЭНГҮҮН- ДУУЛАХ ӨДӨР" арга хэмжээг хуваарийн дагуу сумын аж ахуйн нэгж "Майхан цагаан" ХХК-тай хамтран бэлтгэн зохион байгуулсан. Арга хэмжээнд Луус сумын нийт 43 ахмад настангууд оролцлоо.

Дундговь аймгийн Политехникийн коллеж болон Говийн Ирээдүй цогцолбор сургуулийн сургалтын алба, дотуур байрын багш ажилчид Луус сумын ЕБС-ийн дотуур байрын орчин нөхцөл, хоол үйлдвэрлэлтэй танилцахаас гадна тус сургуулиудын нийгмийн ажилтан, дотуур байрын багш, ажилчид харилцан туршлага судалж цаашид хэрэгжүүлэх ажлын саналаа хуваалцлаа. Мөн Дундговь аймаг дахь Политехникийн коллежийн багш Н.Ганцэрэн 8,9 дүгээр ангийн сурагчдад “Ажил мэргэжлийн чиг баримжаа олгох” сургалтыг зохион байгууллаа.

Сургуулийн багш, ажилтан, ажиллагсад 2022 оны жилийн эцсийн үйл ажиллагааны хэрэгжилтийн тайлангаа тавьж, давуу тал, ололт амжилт, сайжруулах асуудлаа ярилцаж, ирэх онд хийж хэрэгжүүлэх үйл ажиллагааныхаа чиглэлийг тодорхойлох тайлангийн хурлаа амжилттай зохион байгуулж өндөрлөлөө.