Монгол Улсын Ерөнхий сайд Л.Оюун-Эрдэнэ Дундговь аймгийн иргэдтэй уулзалт хийж, “Шинэ сэргэлт-Реформ” илтгэл танилцуулан, Монгол Улсын эдийн засгийн нөхцөл байдал, хөгжлийн чиг хандлага, “Авлигатай тэмцэх-5Ш ажиллагаа” зэрэг Засгийн газраас авч хэрэгжүүлж буй арга хэмжээнүүдийн хэрэгжилт, үр дүнгийн талаар мэдээлэл өглөө.

Төрийн албаны ерөнхий шалгалт улс орон даяар эхэллээ. Шалгалтад Дундговь аймгаас 41 иргэн бүртгүүлсэн байна. Дундговь аймгийн Төрийн албаны салбар зөвлөлийн дарга Л.Доржбат шалгалтад оролцогчдод амжилт хүсэж , журамд заасан дэг журмыг баримтлан хугацаандаа амжиж шалгалтаа өгөх, тэнцсэн тохиолдолд төрийн албанд ажиллах боломжийг бүрдүүлэхийн төлөө дэмжиж ажиллахаа илэрхийлэн, шалгалтыг эхлүүлсэн юм. Шалгалтыг 3 ээлжээр зохион байгуулж, салбар зөвлөлийн гишүүд хөндлөнгийн хяналт тавьж, бүртгэл, үр дүнг тухай бүрд танилцуулж байна.

Дундговь аймгийн нутагт орших улсын болон орон нутгийн тусгай хамгаалалттай газрын байгаль хамгаалагчдын ажиллах нөхцөл, нийгмийн баталгааг хангах үүднээс зургаан сумын долоон байгаль хамгаалагчийг унаажуулан, иж бүрэн мотоциклийг өнөөдөр гардууллаа. Тус ажлыг орон нутгийн хөгжлийн сангийн 29,051,330 төгрөгийн санхүүжилтээр гүйцэтгэсэн бөгөөд туулах чадвар, эдэлгээ сайтай Ямаха брэндийн мотоциклийг хамгаалах хэрэгслийн хамт хүлээлгэн өгсөн байна

Үндэсний их баяр наадмын тухай хуулийн 10.5. Аймгийн баяр наадмын үндэсний хурдан морины уралдаанд морь нь зургаан удаа түрүүлсэн, эсхүл 12 удаа айрагдсан уяачид аймгийн алдарт уяач цол олгоно. 10.8.Уяачид улс, аймаг, сумын цолыг жил бүрийн цагаан сарын баяраар олгоно гэж заасны дагуу өнөөдөр 02 сарын 16 өдөр уяачдын шагналыг олголоо.

Засаг дарга Ц.Мөнхбатын “Иргэдээ сонсъё” уулзалт Баянжаргалан суманд боллоо. Аймгийн Засаг дарга Ц.Мөнхбат Зүүн бүсийн сумдад ажиллаж ,өнөөдөр Баянжаргалан суманд уулзалт хийн, иргэд суманд тулгамдаж буй дараах асуудлуудаар санал солилцлоо.

“Монголын Алт” (МАК) ХХК нь нийгмийн хариуцлагын хүрээнд 2013 оноос хойш дэлхийд ховордсон хоёр бөхт Монгол тэмээний үүлдэр угсааг сайжруулах, тоо толгойг өсгөх, улмаар говийн экологийн тэнцвэрт байдлыг хадгалахад хувь нэмрээ оруулах үүднээс “Ботгонд бонус” хөтөлбөрийг 10 дахь жилдээ амжилттай зохион байгууллаа. Ботгонд бонус” хөтөлбөрийн хүрээнд бойжсон ботго тус бүрд 20 мянган төгрөгийн урамшуулал олгож, малчдыг дэмждэг.

ТӨРИЙН ДЭЭД ШАГНАЛ "АЛТАН ГАДАС" ОДОНГООР С.Баяр О.Цэвээндулам Ч.Гомбодорж С.Мягмар Ж.Содном Д.Дэлгэрсуурь нар шагнагдлаа. Та нартаа эрүүл энх сайн сайхан бүхнийг хүсэн ерөөе

Монголын шагайн Хавчаахай харвааны холбоотой хамтран зохион байгуулж буй тэмцээнд Улаанбаатар хот, Дундговь, Өмнөговь, Говьсүмбэр, Дорноговь, Хэнтий аймгуудын 17 багийн 100 гаруй харваачид оролцож, тэмцээний цуваа харваанд 1-р байр - Хэнтий аймгийн Бор-Өндөр сумын харваач Цэрэндорж 2-р байр - Өмнөговь аймгийн харваач Оюунгэрэл 3-р байр - Дорноговь аймгийн иргэн Доржготов нар тус тус байр эзэллээ.

“Дундговь түншлэл - 2023” үзэсгэлэн худалдаанд 14 сумын 102 үйлдвэрлэл, үйлчилгээ эрхлэгч оролцож, хоёр өдрийн турш 75 гаруй сая төгрөгийн борлуулалт хийжээ. Үзэсгэлэн худалдааны хаалтын үйл ажиллагааны үеэр аймгийн Засаг дарга Ц.Мөнхбат сумдаас ирсэн үйлдвэрлэл, үйлчилгээ эрхлэгчдэд талархал илэрхийлэн, цаашдын үйл ажиллагаанд нь амжилт хүсч, цаашид үзэсгэлэн худалдааг илүү өргөн дэлгэр зохион байгуулах, оролцогчид бүтээгдэхүүн, үйлчилгээний тоог нэмэгдүүлэх хэрэгцээ, шаардлага байгааг онцолсон юм.

Орон нутгийн үйлдвэрлэл, үйлчилгээ эрхлэгчдийг дэмжих, урамшуулах брэнд бүтээгдэхүүнийг олон нийтэд сурталчлах, олон улсын стандартад нийцсэн импортын бараа бүтээгдэхүүнийг зах зээлд нэвтрүүлэх, зах зээлээ өргөжүүлэх, экспортыг дэмжих, шинэ зах зээлд гаргах, түншлэлийг бий болгох, урамшуулах зорилгоор 19 дэх жилдээ зохион байгуулж буй “Дундговь түншлэл-2023” үзэсгэлэн худалдаа өнөөдөр эхэллээ. Нээлтийн ажиллагаанд УИХ-ын гишүүн Г.Мөнхцэцэг, аймгийн Засаг дарга Ц.Мөнхбат, Засаг даргын орлогч М.Анхбаяр нар болон холбогдох албаны хүмүүс оролцож, ирсэн сумдын удирдлага, хамтран зохион байгуулж буй байгууллагууд, үйлдвэрлэгчдэдээ талархал илэрхийлэн, үзэсгэлэнд оролцогчдын бүтээгдэхүүн, үйлчилгээтэй танилцаж, амжилт хүссэн юм.

"ЦАГААН ӨНДӨР УУЛ"-ын тахилга баяр наадамд хүчит бөхийн барилдаан, азарга болон шүдлэн насны уралдаан болж Азарга насны морьдын уралдаанд Түрүү - Баянжаргалын сумын уяач Б.Батцэнгэл Аман хүзүү -Баянжаргалын сумын залуу уяач Ц.Алтан-очир Айргийн 3-т - Баянжаргалын сумын уяач Г.Мөнхдалай Айргийн 4-т - Баянжаргалын сумын уяач Л.Цэрэнбаяр Айргийн 5-т - Баянжаргалын сумын уяач Э.Жаргалсайхан

“ИХ-ЭРЭЭН УУЛ”-ын тахилга баяр наадам Хүчит бөхийн барилдаан, хурдан морины уралдаан, шагайн харвааны гурван төрлөөр зохион байгуулагдаж Шагайн төрөлд: Багийн харваа 1-р байранд - Д.Эрдэнэбат ахлагчтай баг тамирчид 2-р байранд – И.Батпүрэв ахлагчтай баг тамирчид 3-р байранд – И.Дашдондов ахлагчтай баг тамирчид Бууны цуваа:  1-т Өндөршил сумын харваач Хүрэлбаатар                   2-т Шивээ-Овоо сумын харваач Төмөрбаатар                         3-т Баянжаргалан сумын харваач И.Батпүрэв