“БИД ХАРИУЦЛАГАТАЙ ТАТВАР ТӨЛӨГЧ” ЗӨВЛӨГӨӨНД БАЙГУУЛЛАГУУДЫН ТӨЛӨӨЛӨЛ БОЛОН АЖ АХУЙН НЭГЖҮҮДИЙН ТӨЛӨӨЛӨЛ АМЖИЛТТАЙ ХАМРАГДЛАА.

Энэхүү арга хэмжээнд Засаг дарга Т.Ариунаа, Байгаль орчны асуудал хариуцсан мэргэжилтэн Т.Цэрэнчунт нар хамрагдаж Аймгийн Засаг даргын Тамгын газрын дарга Л.Доржбат даргын уриалснаар 100 жилийн ой болохтой холбогдуулан 3 ширхэг "ЭКО ЖОРЛОН" авахаар төлөвлөлөө.

2023 ОНЫ ТӨГСӨГЧ Ц.ЭРДЭНЭСУВД ЗУУНЫ МАНЛАЙ АЛДАРТ УРТЫН ДУУЧИН МУГЖ Ж.ДОРЖДАГВЫН НЭРЭМЖИТ "ТЭНГЭРИЙН ТЭМДЭГ" ХҮҮХДИЙН ТЕАТРААС ЗОХИОН БАЙГУУЛСАН "УРАН ЖИРГЭЭ-2024" УРАН УРАЛДААНД 7-10Р АНГИЙН ТӨРӨЛД 3-Р БАЙРАНД ШАЛГАРЧЭЭ.

Малын сэг зэм устгалын ажлыг зохион байгуулах сумын Засаг даргын захирамжийн дагуу сумын нутаг дэвсгэрт зүй бусаар хорогдсон сэг зэм цуглуулах, устгах, булах ажил хийгдэж байна.Мал амьтны сэг зэм нь хүрээлэн буй орчин, малын бэлчээр, ундны ус бохирдуулж, олон төрлийн халдварт өвчин гарах, хүн малын эрүүл мэндэд хортой нөлөө үзүүлэх тул малчин айл өрхүүд хорогдсон малынхаа сэг зэмийг зам дагуу болон ил задгай хаяхгүй байх, нэгдсэн хогийн цэгийн ухсан нүхэнд буулгаж иргэний үүргээ биелүүлнэ үү.

Орон нутгийн хөгжлийн сангийн 72.460.000 төгрөгний хөрөнгөөр өөрөө буулгагч 5 тоннын даац бүхий ачааны автомашин худалдан авлаа.

Ерөнхий боловсролын сургууль, цэцэрлэгийн тогооч нарын мэргэжлийн ур чадварыг дээшлүүлэх, хоолны шим тэжээлийг нэмэгдүүлэх зорилгоор “Хүүхдийн шим тэжээлт хоол” тогооч нарын уралдааныг Дундговь аймагт хоёр дахь жилдээ зохион байгуулж байна. Нээлтийн ажиллагаанд Дундговь аймгийн Засаг дарга Ц.Мөнхбат, Засаг даргын орлогч М.Анхбаяр, Жайка олон улсын байгууллагын төслийн баг, Боловсрол, шинжлэх ухааны яам, Боловсролын ерөнхий газар, Нийслэлийн Засаг даргын Тамгын газар, нийслэлийн болон Дундговь, Өвөрхангай аймгуудын Боловсрол, шинжлэх ухааны газрын төлөөллүүд оролцов.

2024 оны 04 дүгээр сарын 21-ний өдөр Ажирхай багийн “Аймгийн сайн малчин” Нямдоржийн Энхтайванд Улсын Их Хурлын Гишүүн Г.Мөнхцэцэг, Дундговь аймгийн Засаг даргын орлогч М.Анхбаяр болон сумын удирдлагууд "АЛТАН ТӨЛИЙН ЭЗЭН"-ний шагналыг гардуулан өглөө.

Сургалт, зөвлөгөөнд сумдын иргэдийн Төлөөлөгчдийн Хурлын дарга, сумдын Засаг дарга, агентлагийн дарга, Төсвийн шууд захирагч нар, сумдын Засаг даргын Тамгын газрын Санхүүгийн алба, сумдын Засаг даргын Тамгын газрын Нийгмийн бодлого хариуцсан мэргэжилтэн, Сумдын иргэдийн Төлөөлөгчдийн Хурлын мэргэжилтэн, төрийн бус байгууллага, иргэдийн төлөөлөл зэрэг 300 гаруй удирдах албан тушаалтнууд оролцлоо.Аймгийн Засаг дарга Ц.Мөнхбат сургалт, зөвлөгөөнийг нээж хэлсэн үгэндээ өнгөрсөн жилүүдэд хүнээ хөгжүүлэх бодлогыг түлхүү баримталж, аялал жуулчлалыг хөгжүүлэн, байгаль орчноо хамгаалж, уламжлалт мал сүрэг, хөдөө аж ахуйг эрчимжүүлэх, орчин цагийн боловсрол, соёл, хөгжлийн зөв бодлогыг тодорхойлж ажилласан төдийгүй цар тахал, байгалийн гамшигт үзэгдлүүдийн хор нөлөөг даван туулах, нийгэм, эдийн засгаа сэргээх хөтөлбөрүүдийг үр дүнтэй хэрэгжүүлэхэд аймгийн төр, захиргааны байгууллагын удирдлагуудын хамтын идэвх оролцоо, санаачилга, дэмжлэг туслалцаа хамгийн үнэтэй тулах хүч байж, хамтдаа бүтээсэн, хамтдаа хөгжсөн он жилүүд байсныг онцлон, сургалт, зөвлөгөөний үйл ажиллагаанд амжилт хүслээ.

Морьт багийн нутаг дэвсгэрт байрлах “Сүүл толгой”-н өвөлжөө дахь эзэнгүй 360 гаруй бодын сэг зэмийг устгаж булах ажлыг 2024 оны 04 дүгээр сарын 16-17-ны өдрүүдэд Багийн Засаг дарга, Бумбатын уурхай, ойр орчимд нутагладаг айл өрхүүдтэй хамтран хийж гүйцэтгэлээ.