ҮСХ, НҮБ-ын Хүүхдийн сан, НҮБ-ын Хүн амын сантай хамтран зохион байгуулж буй НҮТС-ны туршилтын судалгаанд Дундговь аймгийн Сайнцагаан сумын 6-р баг, Өндөршил сумын 3-р багийн нийт 50 өрхийг түүврээр сонгон хамруулж байна. Судалгааны багийг НҮБ-ын Хүүхдийн сангийн НҮТС-ны дотоодын зөвлөх Ч.Цогтбаяр, ҮСХ-ны Нэгдсэн Статистикийн газрын ахлах статистикч П.Тунгалаг нар ахлан ҮСХ-ны Статистикч нараас бүрдсэн баг 07 сарын 24-нөөс 08 сарын 1-нийг хүртэл ажиллах юм. Аймаг сумын удирдлагуудаас Аймгийн ИТХ-ын дарга С.Од-Эрдэнэ, Өндөршил сумын Засаг даргын орлогч Л.Мөнхбадрах нар тус багийнхнийг хүлээн авч уулзаж судалгааны зорилго, ач холбогдолтой танилцаж, багийн Засаг дарга, нийгмийн ажилтнууд, өрхийн эмч нартай хамтран ажиллалаа.