Дундговь аймаг
Дэлхийн хүүхдийн өдөр буюу 11 дүгээр сарын 20-ны өдөр хүүхдийнхээ дуу хоолойг сонсох, тэдний төлөө ЗА гэж хэлэх, зураг, эссэ бичлэгээр дамжуулан хүүхдэд тулгамдаж буй асуудлыг тодорхойлох зорилгоор "ШИЛИЙН ИРЭЭДҮЙ" хүүхдийн чуулганыг зохион байгуулж, чуулганд 70 сурагч оролцлоо.
1.Чуулганд урилгаар Нийгмийн ардчилал залуучуудын академийн бүсийн багш Э.Даваадорж оролцож эцэг эх, асран хамгаалагч, харгалзан дэмжигчид болон сурагчдад лекц уншиж,
2.Зургаар дамжуулан хүүхэд эрсдэлт нөхцөлд амьдарч байгаа эсэхийг тодорхойлох, сурагчдын зурах, сэтгэн бодох чадварыг хөгжүүлэх зорилгоор ЕБС-ийн 1-5 дугаар ангийн сурагчдын дунд зарласан "Миний аз жаргал" гар зургийн уралдаанд 34 бүтээл гаргалаа.
3.Эрхээ хамгаалахад хүүхдийн оролцоог нэмэгдүүлэх, нийгэмд тулгамдаж буй шударга бус үйлдлийн талаар хүүхдийн дуу хоолойг сонсох, сурагчдын бичих, найруулах, үзэл бодлоо илэрхийлэх чадварыг хөгжүүлэх зорилгоор ЕБС-ийн 6-9 дүгээр ангийн сурагчдын дунд зарласан "ТОМЧУУДАД ИЛГЭЭХ МИНИЙ ХҮСЭЛ" эссэ бичлэгийн уралдаан зарлалаа.
4.Чуулганд оролцсон сурагчдаас ЕБС-ийг автомашинтай болгох, Ахлах ангийн сурагчдын үдийн хоолны асуудлыг шийдвэрлэх, дотуур байрын багш, ажилчдын хүүхэдтэй харилцах харилцааны асуудалд анхаарах, сургуулиас зохион байгуулж буй уралдаан тэмцээнд оролцож амжилт гаргасан сурагчдыг урамшуулж байх, үе тэнгийн дээрэлхэлтийг зогсоох зэрэг санал гарч Засаг дарга, ЕБС-ийн захирал нар зарим асуултад хариулт өгч, тулгамдаж буй асуудлыг шийдвэрлэх талаар харилцан санал солилцлоо.