С.Чанцалдулам багштай 1977 оны төгсөлтийнхөн дараах бүтээн байгуулалтын ажлыг хийж гүйцэтгэлээ. Үүнд:

1. Сумын төвийн “Хадан хошуу” цэцэрлэгт хүрээлэнд “Дөл судар” ойн мэргэжлийн байгууллага болон сумын Төрийн байгууллагуудын 70 гаруй ажилтан нартай хамтран 4-6 настай хайлаас, бургас, улиас зэрэг 3000 мод тарьж, суулгасан.

2. Шинэ баригдсан сургуулийн талбайд 500 ширхэг хайлаас мод тарьж суулгасан. Энэ ажилд Сайхан-Овоо сумын дунд сургуулийн 2 болон 8 дугаар төгсөлтийн ангийн хамт олон оролцож “ТӨГСӨГЧДИЙН ТӨГӨЛ” байгуулах ажлыг эхлүүллээ.

3. Тус сумын Төгрөг багийн төвд байгуулсан мөргөлийн дуганд элсний нүүлтээс хамгаалах мод тарих зарим бэлтгэл ажлыг “Дөл судар” ойн мэргэжлийн байгууллагатай хамтран хийж, 6-р сарын 10-ны дотор 300 мод тарьж суулгаж дуусгана.