УЛСЫН АВАРГА МАЛЧИН ЭМЭГТЭЙ ТОДОРЛОО
XVII жарны Усан туулай жилийн босгон дээр Гурвансайхан сумаас Гурвансайхан 4-р багийн малчин Бадамгаравын Цэрэнлхам нь "Улсын аварга малчин" өрхөөр шалгарч Монгол улсын Засгийн газрын шагналыг УИХ-н гишүүн Гомпилдоогийн Мөнхцэцэг, Аймгийн Засаг даргын орлогч М.Анхбаяр, Сумын Засаг даргын орлогч Б.Мөнх-эрдэнэ, Сумын ИТХ-ын дарга Д.Батсайхан нар малчны хотонд гардуулан өгч, хүндэтгэл үзүүллээ. Байгалийн хатуу, хөтүүг ажралгүй туулж, Монгол ёс, уламжлалаа өвлөн тээж, мал сүргээ ашиг шим дүүрэн өсгөн үржүүлж "Улсын аварга малчин" гэх хүндтэй шагналыг хүртэж буй аваргууддаа халуун баяр хүргэж, эрүүл энх, сайн сайхныг хүсэн ерөөе.