Сайхан-Овоо сум

Дундговь аймаг

Танилцуулга

БНМАУ-Н ХӨДӨЛМӨРИЙН БААТАР ТОГТООЛЫН БАДАРЧ

  БНМАУ-н Хөдөлмөрийн Баатар Тогтоолын Бадарч нь 1925 онд Түшээт хан аймгийн Говь түшээ гүний хошуу буюу тэр үеийн Өмнөговь аймгийн Цогтчандмань сум, одоогийн Дундговь аймгийн Сайхан-Овоо сумын 4 дүгээр багийн нутаг “Төгрөг” хэмээх газар малчин ард Тогтоолын хоёрдугаар хүү болон мэндэлжээ. Бага насаа эцэг эхийн гар дээр хүмүүжин мал маллаж, тэднийхээ амьдралд тус нэмэр болж байгаад, 1945 онд 20 настайдаа цэргийн албанд мордож, 1950 оныг хүртэл 5 жил алба хаах хугацаандаа 1945 оны чөлөөлөх дайнд оролцож, Хятадын ЖэХэ хот хүртэл Зөвлөлт, Монголын дайчдын хамт байлдааны үүрэг гүйцэтгэж явжээ.

МОНГОЛ УЛСЫН ГАВЬЯАТ МАЛЧИН ФРОНТ ЦЭГМЭД

  Монгол Улсын Гавьяат Малчин, “Монгол улсын сайн малчин” олны дунд фронт Цэгмэд хэмээн адаршсан Сүрэнхорлоогын Цэгмэд 1923 онд Дэлгэрхангай уулын энгэр, Даравгайн шанд гэдэг газар малчин ард Сүрэнхорлоогын ууган охин болон мэндэлжээ.

СОЁЛЫН ГАВЬЯАТ ЗҮТГЭЛТЭН ДАМБЫН ТӨРБАТ

Дамбын Төрбат /Д.Нацагдоржийн нэрэмжит шагналт, зохиолч/ Цогтчандмань одоогийн Сайхан-Овоо сумын нутаг төгрөг гэдэг газар малчны гэр бүлд 1955 онд төрсөн. Мандалговийн 10 жилийн дунд сургуулийн 7-р анги, Улаанбаатар хотод Барилгын ТМС, МУИС-ийг дүүргэсэн.

АНАГААХ УХААНЫ БОЛОВСРОЛЫН ДОКТОР, КЛИНИКИЙН ПРОФЕССОР, ТАРХВАР СУДЛАЛЫН ЗӨВЛӨХ ЭМЧ ЗЭВИЙМЯДАГЫН АДЪЯАСҮРЭН

БГХӨСҮТөвийн зөвлөх эмч, Анагаах ухааны  доктор, Клиникийн профессор Зэвиймядагийн Адъяасүрэн1949 оны үхэр жил Сайхан-овоо сумын нутаг “Эмээлт” гэдэг газар төрсөн. 1956 онд 7 настайдаа сумын бага сургуульд элсэн орж 3 дугаар ангийг төгсөөд Улаанбаатар хотод  шилжин 14-р сургуульд үргэлжлүүлэн суралцаж 10-р ангийг төгссөн.

БНМАУ-ЫН АЛДАРТ ГАВЬЯАТ ДУУЧИН, ГАВЬЯАТ ЖҮЖИГЧИН, ХХ ЗУУНЫ МАНЛАЙ УРТЫН ДУУЧИН ЖИГЗАВЫН ДОРЖДАГВА

БНМАУ-ын алдарт гавъяат дуучин, гавъяат жүжигчин, ХХ Зууны Манлай уртын дуучин Жигзавын Дорждагва /1904-1991/ 1904 онд Түшээт хан аймгийн Говь Түшээт гүний хошуу буюу одоогийн Дундговь аймгийн Сайхан-Овоо сумын нутаг Дэрсэн ханд гэдэг газар төржээ.                  

УРЛАГИЙН БОЛОН СОЁЛЫН ГАВЬЯАТ ЗҮТГЭЛТНҮҮД

Урлагийн Гавьяат Зүтгэлтэн, Төрийн Соёрхолт, зураач Мятавын  Цэмбэлдорж           Монгол улсын нэрт зураач Мятавын Цэмбэлдорж 1941 онд Сайхан-Овоо сумын нутаг \ Цагаан хад\ гэдэг газар төрсөн. Сайхан-Овоо сумын бага сургууль төгсөж, мал маллаж байгаад ардын цэрэгт явж, улмаар 1956 онд Монголын урчуудын эвлэлийн хороонд барималчны туслагчаар орж уран бүтээлийнхээ гарааг эхэлжээ.

СУМААС ТӨРСӨН ГАВЬЯАТНУУД

Аж Үйлдвэрийн Гавъяат ажилтан Даваахүүгийн Мягмар. Даваахүүгийн Мягмар 1954 онд Сайхан-овоо сумын нутаг “Замын бууц” гэдэг газар малчин ард Даваахүүгийн 6-р хүү болон мэндэлсэн. 1964 онд Сайхан-овоо сумын бага сургуульд элсэн орж улмаар Сайнцагаан сумын дунд сургуулийг 1971 онд төгсч,  Дархан хот дахь Политехникум, Улаанбаатар хотноо ПТДээд сургуулиудыг дүүргэж, хүнсний үйлдвэрийн тоног төхөөрөмжийн механик инжнерийн мэргэжлийг эзэмшжээ.

ГАВЬЯАТ БАГШ ЦОГТ-ОЧИРЫН ПЭЛЖЭЭ

Цогт-Очирын Пэлжээ. 1924 онд Сайхан-овоо сумын Онги голын бэлчир “Бор толгой” гэдэг газар малчин ард Цогт-Очирын 2-р хүү болон мэндэлсэн. 9 настайгаасаа Дэлгэрхангай сумын танхимд суралцан 4-р ангийг сайн дүнтэй төгсөж улмаар улаанбаатар хотын багшийн их сургуульд суралцахаар болжээ. Энэ хугацаандаа Буриад улсын Улан-Үд хотод суралцах хувь тохиожээ.

СУМААС ТӨРСӨН АЛДАРТАН ГАВЬЯАТНУУД

Хүний Гавьяат эмч Цагааны Нармандах Мэс засалч эмч  нь 1959 онд Цогтчандмань сум буюу одоогийн Төгрөг багийн  нутагт төржээ. Тэрээр 1978 онд аймгийн 10-н жилийн сургууль, 1985 онд ОХУ-ын Иркутск хотын АУДэС-ийг дүүргэж хүний их эмчийн мэргэжлийг “мэс засалч” чиглэлээр эзэмшжээ. 1985 онд Улаанбаатар хотод мэс засалч эмчийн мэргэжил олгох курс, 1990-1992 онд Украйн улсын Запорожье хотын эмч нарын мэргэжил дээшлүүлэх институт эдординатур төгссөн. 1998-1999 онд Герман улсын Мюнхен хотод мэргэжил дээшлүүлсэн.

СУМААС ТӨРСӨН АЛДАРТАН ГАВЬЯАТНУУД

Спортын мастер Бүрхэдийн Гунгаадаш          Сайхан-овоо сумын уугуул Бүрхэдийн Гунгаадаш 1931 онд Дундговь аймгийн Дэлгэрхангай сумын нутаг Дун овоо гэдэг газар төрсөн. 1940 онд Сайхан-овоо сумын анхны бага сургууль байгуулагдахад ууган сурагчаар элсэн орж 1945 онд төгсөж тус сургуульдаа бичиг үсгийн багшаар үлдэж 1951 оныг хүртэл ажилласан.

ХААУ-НЫ ДОКТОР, ДЭД ПРОФЕССОР ДАМБАБАЗАРЫН ЧАНДМАНЬ

ХААУ-ны доктор, дэд профессор, ШУ-ны Үндэсний  Академын жинхэнэ гишүүн, Академич, Монгол улсын зөвлөх инженер Дамбабазарын Чандмань 1955 оны модон хонин жил Онги голын хөвөөнөө оточ Дамбазарын гэрт мэндэлсэн. 1964 онд Сайхан-Овоо сумынхаа бага сургуульд элсэн орсноор их эрдэмтэн болох анхны гараагаа эхэлжээ.