Дундговь аймаг
МУИС-ийн Бизнесийн сургууль, Нягтлан бодох бүртгэлийн тэнхимийн багш нар сумын уугуул иргэн агсан Л.Мөнх-Очир багшийнхаа санаачилсан сумын төвд мод тарьдаг уламжлалт ажлаа энэ амралтын өдрүүдэд хамт олонтойгоо хийгээд ирлээ. Өмнө нь 108 мод тарьж жил бүр ирж тордож элсийг зайлуулах, услах арга хэмжээг авч ажиллаж байсан бөгөөд энэ жил нэмж 108 мод суулгаад, урьд нь тарьсан моднуудаа усаллаа. Анх элсэн дээр модоо тарьж байсан бол одоо модыг дагаад ургамал ургадаг болсон. Мод тарих нэг хэрэг, тарьснаа ургуулах нь маш чухал байна.