Сумын биеийн тамир спортын орон тооны бус зөвлөл нь 2021 оны 05 сард Засаг даргын А/54 тоот захирамжаар 9 гишүүний бүрэлдэхүүнтэйгээр байгуулагдсан. 2022 онд Сумын Биеийн тамир спортын орон тооны бус зөвлөлөөс иргэдийг идэвхтэй дасгал хөдөлгөөнд уриалж "Илүүдэл жингүй, эртэч Монгол", “Эрч хүч бэлэглэх 60 минут” аяныг 3 сараас 5 сарын 28 ны өдрийг хүртэл зохион байгуулж, иргэдийг идэвхтэй дасгал хөдөлгөөнөөр хичээллэхийг уриалсан. Тус аяны хугацаанд өдөрт 25-30 иргэдийг тогтмол хамруулан ажиллалаа. Мөн “Үндсэн хууль-30 жил”, “Нээлттэй хаалганы өдөрлөг”, “Залуучуудын өдөрлөг”, Монгол Улсад Санхүүгийн байгууллага үүсэж хөгжсөний 111 жилийн ойд зориулсан спортын арга хэмжээг хамтран зохион байгуулж спорт, идэвхтэй дасгал хөдөлгөөнөөр хичээллэгчдийн тоог нэмэгдүүлэх чиглэлд үйл ажиллагаагаа чиглүүлэн давхардсан тоогоор 300 гаруй иргэдээ спортын үйл ажиллагаанд татан оролцуулаад байна.