"Тал нутгийн тансаг агаар" оройн цэнгүүний үйл ажиллагаанд 200 гаруй залуучууд оролцож нэг өдрийг дуу хуур, тэмцээн уралдаанаар хөгжилтэй өнгөрүүллээ. Бүтэн өдрийн тэмцээн уралдаанд хурд хүч, авьяас чадвараараа бусдыгаа манлайлж оролцсон багуудад Сумын ИТХ-ын дарга П.Түвшинсайхан, Сумын Засаг дарга, сумын ЗХДСЗ-ийн дарга М.Баярсүх, Сумын Засаг даргын орлогч, ЗХДСЗ-ийн дэд дарга Л.Золжаргал нар шагнал гардуулж, азтангууд тодрууллаа. "Эмтийн ширээ" баг 1-р байр 200.000 төгрөг, "Чойрын хийд" баг 2-р байр 150.000, "Амардалай" баг 3-р байр 100.000, Тусгай байранд Бага газрын чулуу баг эзлээд байна. Тус үйл ажиллагааны үеэр Аймгийн ИТХ-ын ажлын албаныхан, Аймгийн ЗДТГ-ын хэлтсийн төлөөллүүд оролцож АИТХ-ын нарийн бичгийн дарга Ш.Энхсүх эерэг нөлөөллийг нийгэмдээ уриалж, түгээж байгаа зөвлөлийн үйл ажиллагааг сайшааж, цаашдын үйл ажиллагааг дэмжин 500.000 төгрөгийн дэмжлэг үзүүлэхээ илэрхийллээ.