"Малчдын нэг өдөр" өдөрлөг арга хэмжээ 2 дахь жилдээ амжилттай зохион байгуулагдаж байна. Тус арга хэмжээ нь Сумын Засаг дарга М.Баярсүхийн мэндчилгээгээр эхэлсэн юм. Арга хэмжээний үеэр Аймгийн Засаг дарга Ц.Мөнхбат малчид иргэддээ 2023 онд хэрэгжих хөрөнгө оруулалт, бүтээн байгуулалтын ажлууд болон орон нутагтаа малчдыгаа дэмжих бодлогын талаар танилцуулан Сумын түүхт 100 жилд 10.000.000 төгрөгийн дэмжлэг үзүүлэхээ илэрхийллээ. Амжилт бүтээл гаргасан малчдаа Аймгийн Засаг даргын болон сум орон нутгийн шагналуудаар шагнаж урамшуулсан юм. Шагналыг Аймгийн Засаг дарга Ц.Мөнхбат, Сумын ИТХ-ын дарга П.Түвшинсайхан, Сумын Засаг дарга М.Баярсүх, Аймгийн нутгийн зөвлөлийн дарга Н.Эрдэнэ-Очир нар гардуулж нийт малчдадаа амжилт хүслээ.