Сумын Засаг даргын захирамжаар томилогдсон ажлын хэсэг 2023 оны 04 сарын 06-21 ний өдрүүдэд Баянбулаг, Цахиурт, Дэлгэр-Эмт багт ажиллаж, малчид иргэддээ цаг үеийн мэдээллийг хүргэн, санал хүсэлтийг сонсож ажиллалаа. Ажлын хүрээнд: 1. Отор нүүдлийн айлуудад 2023 оны 04 сарын 15 ны дотор бэлчээр чөлөөлөх мэдэгдлийг хүргүүлж, тус хугацаанд отрын айлууд болон орон нутгийн малчдыг хороо бууцаа цэвэрлэх, малын сэг зэмээ зориулалтын хогийн цэгт / Хөх толгой/ төвлөрүүлэх чиглэлийг хүргүүллээ. 2. Бод мал / Адуу /-г отрын бүс нутагруу гаргах бэлчээр чөлөөлөх талаар мэдэгдэл хүргэсэн. 3. Сумын 100 жилийн ойн хандив бүрдүүлэлтийг 2023 оны 05 сарын 01 ний дотор албан ёсны дансанд төвлөрүүлэх мэдээллийг хүргэж, "Өрх бүр 100 жилдээ 100.000" хандивын аяныг өрнүүлж, хамтран ажиллах 4. Сумын 100 жилийн ойн номонд орох материалыг 2023 оны 04 сарын 20 ны дотор хүлээн авах, мэдээлэл хүргэсэн 5. Төлийн урьдчилсан мэдээ авч ажилласан 6. Сумын Орон нутгийн хөгжлийн сангийн 2024 оны санал асуулгыг цаасаар авч ажиллалаа. 7. Байгаль орчинтой зүй зохисгүй харьцаж, хогоо зориулалтын бус газар хаяж байгаа иргэдэд зохих журмын дагуу хариуцлага тооцох талаар мэдээлэл хийлээ 8. Малын хулгай, гэмт хэргээс урьдчилан сэргийлэх, тэмцэх талаар мэдээ мэдээллээр хангалаа. 9. Техникийн хяналтын үзлэгийг 2023 оны 04 сарын 24-26 ны өдрүүдэд зохион байгуулахтай холбогдуулан иргэдэд мэдээлэл хүргэх, тээврийн хэрэгслийн тооллого бүртгэлдээ идэвхтэй хамрагдах, ашиглахгүй тээврийн хэрэгслээ бүртгэлээс хасуулах талаар мэдээлэл хүргэлээ. 10. Сумын ОНХС-ийн 2023 оны үйл ажиллагааны тайлан мэдээлэл / малын тоо толгойн албан татварын орлого/-ын зарцуулалтын мэдээллийг малчид, иргэдэд хүргэн, 2023 оны татварын орлогыг бүрдүүлэхэд хамтран ажиллах зэрэг мэдээллийг хүргэн ажиллалаа.