Аймгийн Засаг дарга Ц.Мөнхбатаар ахлуулсан ажлын хэсэг 5 дугаар сарын 22-ны өдөр тус суманд ажиллалаа. Тус ажлын хэсэгт аймгийн ЗДТГ-ын дарга, хэлтсийн дарга нар, Нэгдсэн эмнэлгийн нарийн мэргэжлийн эмч нар, Улсын бүртгэлийн хэлтэс, Газрын харилцаа, барилга хот байгуулалтын газар, Төрийн цахим үйлчилгээний газрын албан хаагчдаас бүрдсэн баг бүрэлдэхүүн багтсан юм. Аймгийн ЗДТГ-ын дарга Л.Доржбат 2021-2023 онд аймаг орон нутагт хийж хэрэгжүүлсэн ажлуудын танилцуулга хийж, цаашид хэрэгжүүлэх бодлого шийдвэрийг танилцуулсан юм.Уулзалтын хүрээнд иргэд, төрийн албан хаагчид санал хүсэлтээ илэрхийлж, тулгамдсан асуудлаа аймгийн удирдлагад уламжилсан юм.Аймгийн Засаг дарга Ц.Мөнхбат Сумын Цагдаагийн албаны шатахууны зардал нэмэх тал дээр ИТХ -д уламжлах мөн ирэх оны төсөвт нэмж суулгах боломж байгаа эсэхийг судлах Шинэ соёлын төвд сумын 100 жилийн ойг тохиолдуулан 50 сая төгрөгийн хөшиг зөөлөн эдлэлийг нь шийдвэрлэсэн Сумын төвийн 2,5 км авто замын зураг төсвийг дэмжинэ гэдгээ илэрхийлсэн Бага газрын чулууны орчимд амьдарч байгаа айл өрхөөс сүлжээ оруулах хүсэлтийг БЗД нар авч нэгтгэн ирүүлэх, үүнийг холбогдох газарт нь уламжлах Багийн Засаг дарга нарт тус бүр нэг мотоцикл, зөөврийн компьютер, мөн сумын ЗДТГ-т компьютер тоног төхөөрөмж олгохоор тус тус шийдвэрлэлээ.Аймгийн Засаг дарга Ц.Мөнхбат сумдын Засаг дарга нарын нөөц хөрөнгө 3.0 сая төгрөг байсныг Эрдэнэдалай, Сайнцагаан суманд 20.0 сая, бусад сумдад 10.0 сая болгон нэмэгдүүлснийг дурдаад зарим үйл ажиллагааны зардлыг сумын ОНХС-ийн хөрөнгөөр шат дараатай шийдвэрлэж байхыг сумын Засаг даргад чиглэл болголоо.Бид бүхний үйл ажиллагааг байнга дэмжиж, ажилладаг Аймгийн удирдлагууддаа нийт иргэдийнхээ өмнөөс баярлаж, талархаж байгаагаа илэрхийлье.