Дундговь аймаг
Сумын орон нутгийн хөгжлийн сан /Малын тоо толгойн албан татвар/-ын хөрөнгө оруулалтаар Баянбулаг, Цахиурт, Дэлгэр-Эмт багуудад тус бүр нэг худгийг засварлахаар нийт 9.000.000 төгрөгийн санхүүжилтийг сумын ИТХ-аар шийдвэрлэсэн. Цахиурт багийн "Баянхошуу"-ны худаг засварын ажил хийгдэж байна. Ажлын гүйцэтгэлд Засаг даргын орлогч Л.Золжаргалаар ахлуулсан ажлын хэсэг 2023 оны 11 сарын 02 ны өдөр хяналт тавьж, хүлээн аваад байна.Тус худаг нь 2003 оноос хойш усны гарц муудсаар өдийг хүрсэн бөгөөд одоо 5 өрхийн 5-6 мянга орчим малыг ундаалахаар арвин устай болсон байна. Ажлын гүйцэтгэл: Газрын гүнрүү 5м, өргөн 3м ухаж, ханан хадыг ховхлон чулуун хана, амлагаа хийсэн. Онгоц шинээр тавьж, мал орохоос хамгаалж худгийг тойруулж хашаа барьж, цемент цутгасан. Мотороо зөөвөрлөхгүйгээр суурин тогтоож бэхэлсэн байна. Төслийг Цахиурт багийн малчин Ц.Төмөрбаатар ахлагчтай малчдын бүлэг хэрэгжүүллээ.