Сумын Засаг дарга М.Баярсүх байгууллагуудын удирдлагуудын дунд шуурхай хурал зарлаж 2023 оны жилийн гүйцэтгэлийг хангуулах, хоцрогдолтой байгаа зарим ажлуудыг эрчимжүүлэх үүрэг чиглэл өглөө. Мөн "Удирдлагын манлайлал" зөвлөгөөний үеэр салбар тус бүрд яригдсан, цаашид хэрэгжүүлж ажиллах нэн шаардлагатай ажлуудыг ажил хэрэг болгон ажиллах талаар байгууллага тус бүрд чиглэл хүргүүллээ.Орон нутгийн хувьд 11-12 сард хэрэгжүүлэх ажлын төлөвлөгөө гаргаж хэрэгжүүлэх, олон нийтрүү чиглэсэн арга хэмжээний цаг хугацааг товлон удирдамж, хөтөлбөрийг батлуулах ажлыг даалгасан юм. 2023 оны 11 сарын 10-12 ны өдрүүдэд Дундговь аймагт болох "Бага олимп"-д оролцох баг тамирчдыг тодруулах, бэлтгэл ажлыг хангуулах ажлыг Засаг даргын орлогч Л.Золжаргалд, Төрийн албан хаагчдын өдөрлөг арга хэмжээг 2023 оны 11 сарын 22 нд байхаар товлож, бэлтгэл ажлыг ханган ажиллахыг нийт төрийн байгууллагын удирдлагуудад чиглэл өглөө. 12 сард зохиогдох ажил төлөвлөгөөний дагуу явагдана.