Дэлгэрцогт сум
Дундговь аймаг
Дундговь аймаг
Японы "Хүүхдийг ивээх сан"-аас Уур амьсгалын өөрчлөлт хүүхдэд үзүүлэх нөлөөллийн талаарх судалгааг орон нутгийн удирдлагын төлөөлөл, Багийн Засаг дарга, ЕБСургуулийн удирдлага, Нийгмийн ажилтан, эцэг эх, малчид, ЕБС-ийн хүүхдүүдийн дунд 20 асуулгын хүрээнд санал асуулга, бүлгийн ярилцлага хэлбэрээр зохион байгууллаа.Хүүхдийг ивээх сан нь Хүүхэд хамгаалал, Хүүхдийн эрх, Боловсрол, Эрүүл мэнд, Хүүхдийн хөгжил, Хүмүүнлэгийн яаралтай тусламжийн чиглэлээр үйл ажиллагаагаа явуулдаг бөгөөд 2021 оны 03 сарын 14 нд тохиосон байгалийн гамшгийн үеэр тусламж дэмжлэг үзүүлэн бид бүхэнд хүмүүнлэгийн гараа сунгаж байсныг дуулгах нь зүйтэй юм.Хүүхдийг ивээх сангаас хэрэгжүүлж буй төсөл хөтөлбөрийн үр өгөөж хүүхэд бүрт хүрч, эерэг нөлөөлөл нь олонд түгэх болтугай.
Сумын орон нутгийн хөгжлийн сан /Малын тоо толгойн албан татвар/-ын хөрөнгө оруулалтаар Баянбулаг, Цахиурт, Дэлгэр-Эмт багуудад тус бүр нэг худгийг засварлахаар нийт 9.000.000 төгрөгийн санхүүжилтийг сумын ИТХ-аар шийдвэрлэсэн. Дэлгэр-Эмт багийн "Шороотын эх" худаг засварын ажил хийгдэж байна. Ажлын гүйцэтгэлд Багийн Засаг дарга Б.Баатарсүрэнгээр ахлуулсан ажлын хэсэг 2023 оны 08 сарын 30 ны өдөр хяналт тавьсан.Тус худаг нь 2003 оноос хойш усны гарц муудсаар өдийг хүрсэн бөгөөд одоо 7 өрхийн хүн, 6-7 мянга орчим малыг ундаалахаар арвин устай болсон байна. Ажлын гүйцэтгэл: Газрын гүнрүү 5м, өргөн 3м ухаж, ханан хадыг ховхлон чулуун хана, амалгаа хийсэн.Төслийг Дэлгэр-Эмт багийн малчин А.Жаргал ахлагчтай малчдын бүлэг хэрэгжүүлж байна. Цахиурт багт төсөл арга хэмжээ мөн үргэлжилнэ.
Сумын Засаг даргын 2023 оны А/26 тоот захирамжаар томилогдсон ажлын хэсэг багуудын ИНХ-аас баталсан сумын орон нутгийн хөгжлийн сангийн хөрөнгөөр 2024 онд хэрэгжүүлэх хөрөнгө оруулалт хөтөлбөр, төсөл арга хэмжээний саналыг нэгтгэн эрэмбэлж сумын Засаг даргын зөвлөлийн хуралд оруулахаар хүргүүлээд байна.Төсөл хөтөлбөр нь сумын Засаг даргын зөвлөлийн хуралд танилцуулагдсанаар 2023 оны 12 сард сумын ИТХ-аар эцэслэн батлагдах юм.
2023 оны 08 сарын 11-12 ны өдрүүдэд Их газрын чулууны ууланд зохион байгуулагдсан Дуу хуурын өлгий нутаг, Дундговь аймгийнхаа уртын дуу, морин хуурчдын нэгдсэн "Уяхан замбуу тивийн наран" урлагийн их наадамд сум орон нутгаа төлөөлөн оролцсон нийт уран бүтээлчид, ардын авъяастнууд, ард ажилласан баг хамт олондоо чин сэтгэлийн ТАЛАРХАЛ илэрхийлье.Бэлтгэл болон тоглолтын дараах зургуудаас оруулав.
