Сумын Засаг даргын санаачилгаар төрийн байгууллагуудын албан хаагчид, суралцаж буй хүүхэд багачуудад урьдчилан сэргийлэх, эрт илрүүлгийн үзлэгийг зохион байгуулах чиглэл хүргэгдсэний дагуу Сумын Эрүүл мэндийн төвөөс эмчийн үзлэг, ЕБСургуулийн биеийн тамирын арга зүйч багштай хамтран бие бялдрын чийрэгжилтийн түвшин тогтоох ажил Хүүхдийн цэцэрлэг дээр зохион байгуулагдлаа. Тус ажлын хүрээнд:

1.Албан хаагчдаас Элэгний халдварын В, С вирус тодорхойлох шинжилгээ авах

2. СӨБ ын хүүхдүүдэд урьдчилан сэргийлэх, эрт илрүүлгийн үзлэгийг зохион байгуулах

3. АД хэмжих арга зүйн сургалт, дадлага ажил хийгдэх

4. Хандлага тодорхойлох судалгаанд хамруулах зэрэг ажил хийгдлээ. Хүн амынхаа эрүүл мэндийн манаанд бие сэтгэл, зүтгэлээ зориулж ирсэн Эрүүл мэндийн төвийн хамт олон, сургагч багш нартаа чин сэтгэлийн талархал илэрхийлж, цаашдын ажилд нь АМЖИЛТ хүсье.

          Улаанбаатар хот дахь нутгийн зөвлөл, Дундговь аймаг дахь нутгийн зөвлөлөөс хамтран зохион байгуулсан "Хамтдаа даван туулъя" малчдадаа туслах хандивын аянд 61 хувь хүн, ААН-ийн 23.590.000 төгрөгийн хандив цугларсныг Улаанбаатар хот дахь нутгийн зөвлөлийн нарийн бичиг Л.Зандраабодь орон нутгийн удирдлагуудад танилцууллаа.Тус хандивын хүрээнд 348 малчин өрх тус бүрт 50.000 төгрөгийн шатахууны эрхийн бичгийн 17.400.000 төгрөгийг ШТС-ийн холбогдох дансанд, 6.190.000 төгрөгийг Сумын онцгой комисст сэг зэмийн устгалд зориулж холбогдох дансанд шилжүүлсэн юм.ЗЭТБИЭСДИ ХХК-аар 1,2-р багийн малчид Дэлгэр Алтанзагас ХХК аар-3-р багийн малчид эрхийн бичгээрээ шатахуун авах эрх нь өнөөдрөөс үүсч байна. Хандивын аянд нэгдсэн халуун сэтгэл нутгийн нийт ахан дүүстээ, Дэлгэрцогт сумаар овоглосон мянга мянган иргэддээ нийт малчдынхаа өмнөөс чин сэтгэлийн ТАЛАРХАЛ илэрхийлье.

СУМЫН ИРГЭДИЙН ТӨЛӨӨЛӨГЧДИЙН ХУРАЛ

СУМЫН ЗАСАГ ДАРГЫН ТАМГЫН ГАЗАР

          Сумын Засаг даргын захирамжаар томилогдсон ажлын хэсэг Нийгмийн бодлогын мэргэжилтэн Ц.Билэг-Ариун, Байгаль орчны мэргэжилтэн Б.Баттогтох, ХААТ-ийн мэргэжилтэн Б.Сармандах нар хүнсний чиглэлээр үйл ажиллагаа явуулдаг ААН-үүдийн худалдан борлуулж буй хүнсний бүтээгдэхүүн, тусгай зөвшөөрөл, орчны аюулгүй ажиллагаанд хяналт тавьж холбогдох хууль тогтоомжийн хэрэгжилтийг хангуулан, зөвлөмж хүргүүлэн ажиллалаа. Мөн "Хоггүй цэвэрхэн Дэлгэрцогт" аяны удирдамжийг танилцуулж, ойр орчмын 50 м зай талбайг цэвэрлэх, ангилан ялгах хогийн савтай болох талаар чиглэлийг хүргүүллээ.Хүнсний аюулгүй байдлаа хангах үүднээс иргэд та бүхэн худалдан авч буй бүтээгдэхүүнийхээ үйлдвэрлэсэн хугацаа, хаяг шошгыг харж авч байхыг уриалж байна.

ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН САЛБАР ЗӨВЛӨЛ

       Малчдынхаа саналыг хүлээн авч Сумын Засаг дарга 2024 оны 03 сарын 19 ний А/24 тоот захирамж гарган Баянбулаг, Цахиурт, Дэлгэр-Эмт багуудын хороо бууц, зам дагуух зүй бусаар хорогдсон, малчид өргөж ачихад хүндрэлтэй байсан БОД малын сэг зэмийг ачих, халдваргүйжүүлэх ажлыг маргааш буюу 2024 оны 03 сарын 21 ний өдрөөс зохион байгуулах гэж байна. Иймд малчид иргэд та бүхнийг өөрийн хороо бууцны ойр орчмын БОД малын сэг зэмийг бөөгнүүлэн, тээвэрлэх машины бэлэн байдлыг хангаж орон нутагтайгаа хамтран ажиллахыг уриалж байна. Малчид ачиж өгсөн бог, бод малын сэг зэмийг өөрсдийн унаа тээврээр зөөвөрлөх ба холбогдох албан тушаалтад баримтаа үзүүлж шатахууны дэмжлэгээ авах болохыг мэдэгдэж байна.

СУМЫН ОНЦГОЙ КОМИСС

Дундговь аймгийн Нэгдсэн эмнэлгийн нарийн мэргэжлийн эмч нарын үзлэг доорх чиглэлээр явагдана.

-Дотор

- Хүүхэд

-Эмэгтэйчүүдийн үзлэг өнөөдөр буюу 3 сарын 19 ны өдөр эрүүл мэндйн төв дээр болно.

/ эмэгтэйчүүдэд үзүүлэх хүмүүс үзлэгийн толь бэлтгэн ирэх/

Сумын Засаг дарга М.Баярсүх байгууллагуудын удирдлагууд, Багийн Засаг дарга нарт шуурхай хурал зарлаж, дараах чиглэлээр үүрэг чиглэл хүргүүлээд байна.

1. Малчдаас гарсан санал, хүсэлтийг нэгтгэж, шаардагдах / сэг зэм бусад/ арга хэмжээг авч үйл ажиллагаанд тусган ажиллах

2. Малчдад ногоон тэжээл тариалах болон бусад шаардлагатай сургалт мэдээллийг мэргэжлийн байгууллагаар зохион байгуулах

3. Ногоон тэжээл тариалах үр будааг Мал хамгаалах сангаас шийдвэрлэх

4. Төрийн үйлчилгээний чанар хүртээмж, ажлын цаг ашиглалтыг сайтар баримталж, иргэдэд хүнд суртал чирэгдэлгүй үйлчлэх, ажлын ачааллыг тэнцвэржүүлэх тал дээр бүх төрийн байгууллагууд анхаарах

5. ЕБСургуулийн болон сургуулийн өмнөх боловсролын хүүхдүүдэд эрүүл мэндийн үзлэг зохион байгуулах

6. Сумын төвийн 50 аас дээш насны иргэдэд эрүүл мэндийн тусламж үйлчилгээг гэрт нь хүргэх ажлыг ЭМТ багийн Засаг дарга нартай хамтран зохион байгуулах

7. Төрийн албан хаагчдыг эрүүл мэндийн үзлэгт хамруулах цаг хугацааг тодорхой болгож холбогдох байгууллагатай хамтран ажиллах.

8. Иргэдийг ил тод мэдээллээр хангах ажлын хүрээнд нийтийн уулзалт зохион байгуулах

9. Орон нутагт банкны үйл ажиллагааг иргэдэд ойртуулах зорилгоор Хаан банк, Төрийн банкны АТМ-ыг байршуулах талаар холбогдох байгууллагууд санал хүсэлтээ хүргүүлэх

10. Малын сэг зэм устгах ажлын хэсэг байгуулж, зам дагуух болон нийтийн эзэмшлийн талбайн сэг зэм устгах, ариутгал халдваргүйтгэлийн ажлыг зохион байгуулах.

11. Хортон мэргэчидтэй тэмцэх ажлыг 3 сарын 20-4 сарын 10 ны дотор зохион байгуулах

12. Айл өрх, гудамж хороолол, ААН байгууллагуудын хогийг ачих ажлыг зохион байгуулах

13. "Малчдын нэг өдөр" өдөрлөг арга хэмжээг 2024 оны 05 сарын эхний 7 хоногт багтаан зохион байгуулах зэрэг шийдвэрүүдийг гаргаад байна. Мөн босоо удирдлагатай албан хаагчдад чиглэлийн хүрээнд үүрэг даалгавараар хангаад байна.

           Сумын Засаг даргын орлогч Л.Золжаргал, тус багийн Засаг дарга Б.Довуучий, Хүний их эмч Б.Үзмээ нар Баянбулаг багийн малчид иргэдтэй уулзаж, эрүүл мэндийн тусламж үйлчилгээ хүргэж ажиллалаа. Тус ажлын хүрээнд:

1. Малчдынхаа хаваржилтын нөхцөл байдалтай танилцаж, орон нутгаас барьж байгаа бодлого шийдвэрийг танилцуулж, санал хүсэлтийг сонсох

2. Малчдадаа эрүүл мэндийн тусламж үйлчилгээг газар дээр нь хүргэх, шаардлагатай эм тариаг Сумын Засаг даргын нөөц хөрөнгөөр шийдвэрлэх

3. 2025 оны сумын ОНХС-ийн санхүүжилтээр хэрэгжүүлэх төсөл, хөтөлбөр арга хэмжээний саналыг малчдаасаа авах зэрэг чиглэлийн хүрээнд ажиллалаа.

           ИТХ-ын дарга П.Түвшинсайхан, Багийн Засаг дарга Г.Сосорбурам, ЭМТ-ийн эмч О.Янжин нар Цахиурт багийн айл өрхүүдийн хаваржилтын нөхцөл байдалтай 2024 оны 03 сарын 05-07 ны өдрүүдэд танилцаж, малчид иргэдэд эрүүл мэндийн тусламж үйлчилгээг хүргэн ажиллалаа. Тус ажлын хүрээнд малчид иргэддээ төрөөс үзүүлж буй бодлого шийдвэрийн талаарх мэдээллийг хүргэн гарсан санал хүсэлтийг сонсож, ажил хэрэг болгон ажиллах тал дээр үйл ажиллагаагаа чиглүүлэн ажиллаж байна.

      Багийн Засаг дарга Б.Баатарсүрэн, ЭМТ-ийн эрхлэгч Т.Мөнхтуяа нар Дэлгэр-Эмт багийн зүүн, урд хэсгийн айл өрхүүдийн хаваржилтын нөхцөл байдалтай 2024 оны 03 сарын 05-07 ны өдрүүдэд танилцаж, малчид иргэдэд эрүүл мэндийн тусламж үйлчилгээг хүргэн ажиллалаа. Тус ажлын хүрээнд малчид иргэддээ төрөөс үзүүлж буй бодлого шийдвэрийн талаарх мэдээллийг хүргэн гарсан санал хүсэлтийг сонсож, ажил хэрэг болгон ажиллах тал дээр үйл ажиллагаагаа чиглүүлэн ажиллаж байна.Тус ажлын хэсэг маргааш буюу 2024 оны 03 сарын 13 ны өдрөөс Дэлгэр-Эмт багийн урд, баруун хэсэгт үргэлжлүүлэн ажиллана.

         Сумын Засаг дарга М.Баярсүх, Багийн Засаг дарга Б.Довуучий, ЭМТ-ийн сувилагч Б.Цэвэгсүрэн нар Баянбулаг багийн хойд хэсгийн айл өрхүүдийн хаваржилтын нөхцөл байдалтай 2024 оны 03 сарын 05-07 ны өдрүүдэд танилцаж, малчид иргэдэд эрүүл мэндийн тусламж үйлчилгээг хүргэн ажиллалаа. Тус ажлын хүрээнд малчид иргэддээ төрөөс үзүүлж буй бодлого шийдвэрийн талаарх мэдээллийг хүргэн гарсан санал хүсэлтийг сонсож, ажил хэрэг болгон ажиллах тал дээр үйл ажиллагаагаа чиглүүлэн ажиллаж байна.Маргааш буюу 2024 оны 03 сарын 13 ны өдрөөс Засаг даргын орлогч Л.Золжаргалаар ахлуулсан ажлын хэсэг Баянбулаг багийн урд хэсэгт ажиллана.

         Улсын Онцгой комисс, Аймгийн онцгой комиссын шийдвэрээр сумын 325 малчин өрхөд нийт 65 шуудай буюу 3.2 тонн гурил, 65 шуудай буюу 1.6 тонн цагаан будааг хуваарилсан. Тус гурил, будааг татан авах зардал, буулгах хүн хүчийг сум орон нутаг шийдвэрлэж, өрхүүдэд савлаж, тараах ажлыг нийт байгууллагын албан хаагчид хариуцан ажиллаж байна. 325 малчин өрх тус бүрд 10 кг гурил, 5 кг цагаан будааг олгохоор бэлтгэл ажлыг хангаж байна.Цас зудын нөхцөл байдлыг ойлгон малчдадаа хүргэх өвс, тэжээл, гурил будааны бэлтгэл ажлыг хангаж байгаа нийт төрийн албан хаагч, иргэддээ чин сэтгэлийн ТАЛАРХАЛ илэрхийлье.