Баянбулаг багийн Засаг дарга Б.Довуучийгаар ахлуулсан ажлын хэсэг малын эрүүл мэнд нь доройтсон айл өрхүүдийн малд үзлэг зохион байгууллаа. Мөн цас зудын нөхцөлд байгаа, хүн хүчний хүрэлцээ муу, шар усны үерт автаж болзошгүй айл өрхүүдээрээ орж зөвлөмж хүргүүлэн, санал хүсэлтийг нь сонсож ажиллалаа.

Цахиурт багийн Засаг дарга Г.Сосорбурамаар ахлуулсан ажлын хэсэг цас, зудын хүнд нөхцөлд байгаа Тал булаг, Баянхошуу, Суварга, Цагаан-Овоо, Цагаан хад чиглэлд зам гаргах ажлыг зохион байгууллаа. Мөн тус чиглэлд хүн хүч хүрэлцэхгүй байгаа 4 өрхийн гэр, хорооны цасыг хусаж, цаснаас чөлөөлөх ажлыг хийсэн байна.

Хугацаа: 2024.02.20-2024.06.10

СУМЫН ЗАСАГ ДАРГЫН ТАМГЫН ГАЗАР

СУМЫН ЗАЛУУЧУУДЫН ХӨГЖЛИЙГ ДЭМЖИХ САЛБАР ЗӨВЛӨЛ

       Сумын Засаг даргын дэргэдэх Залуучуудын хөгжлийг дэмжих салбар зөвлөлөөс санаачлан хэрэгжүүлж буй "Хоггүй цэвэрхэн Дэлгэрцогт" 4 сарын аян эхэллээ. Сумынхаа нийт ААН, байгууллагууд, гудамж хороолол, иргэд та бүхнийг уралдаант аянд нэгдэхийг УРИАЛЖ байна. Хугацаа: 2024.02.20-2024.06.10Шалгаруулалтад: Албан байгууллага, аж ахуй нэгж-1, Гудамж хороолол-1, Айл өрх-1 шалгуур үзүүлэлтийн дагуу шалгаруулж- Албан байгууллага, аж ахуй нэгжийг-300.000 төгрөг- Гудамж хорооллыг – 300.000 төгрөг- Айл өрхийг-100.000 төгрөгөөр тус тус шагнаж урамшуулна."Энэ миний хог биш" гэж хандахаас илүү "Энэ бидний амьдарч буй орчин" гэж хандаарай.

СУМЫН ЗАСАГ ДАРГЫН ТАМГЫН ГАЗАР

СУМЫН ЗАЛУУЧУУДЫН ХӨГЖЛИЙГ ДЭМЖИХ САЛБАР ЗӨВЛӨЛ

     Хөдөлмөрийн аюулгүй байдал эрүүл ахуйн салбар зөвлөлийн үйл ажиллагааг идэвхжүүлэх, холбогдох хууль тогтоомжийн шинэчлэл, түүний хэрэгжилтийг хангуулах зорилгын доор сумын төрийн байгууллагын ХАБЭА-н салбар зөвлөлийн гишүүд, байгууллагын удирдлагуудын дунд 8 цагийн багц сургалтыг Сумын ХАБЭА салбар зөвлөл Аймгийн ХАБЭА-н салбар зөвлөлтэй хамтран зохион байгууллаа. Сургалтыг Аймгийн ҮЭХ-ны дарга, Аймгийн ХАБЭА-н салбар зөвлөлийн гишүүн ХАБЭА-н сургагч багш Б. Мөнхчулуун болон сургагч багш нар дараах чиглэлээр сургалт явууллаа.

1. Хөдөлмөрийн сайдын А/114 тушаалын хэрэгжилт, ХАБЭА-н зөвлөлийн ажиллах чиг үүрэг,уялдаа холбоо, зөвлөлийн санхүүжилт

2. Ажлын байранд ХАБЭА-н шаардлагын мөрдөж ажиллах, хэрэгжүүлэх нь

3. Хөдөлмөрийн харилцаанд тулгамдаж буй асуудлууд, хэрхэн шийдвэрлэх арга зам

4. Эрсдэлийн менежментийн тухай ойлголт, ажлын байрны аюулыг илрүүлэх, үнэлэх арга, урьдчилан сэргийлэлтийн зарчим

5. Ажлын байрны эрсдэлийн үнэлгээ хийх аргачилсан зөвлөмж /ХС-ын А/295 аргачилсан зөвлөмж/

6. "Эрүүл – Аюулгүй ажлын байрыг эрхэмлэгч байгууллага шалгаруулах журам ” ХС-ын А/64 тушаал /

7. Хөдөлмөрийн гэрээ, дотоод журмын хэрэгжилт

8. ҮО, МШӨ, ХХ-ын тухай ойлголт, урьдчилан сэргийлэлт, комиссын ажиллах чиг үүрэг9. ҮО ХХ-ын шалтгааныг шинжлэх арга зүй, ослыг судалж акт тогтоох

ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН САЛБАР ЗӨВЛӨЛ

        Хаваржилт хүндэрч байгаатай холбогдуулан УОК-оос хуваарилсан 500 боодол өвс, 1200 шуудай хивгийг татан төвлөрүүлэх ажилд Сумын ИТХ, ЗДТГ ын нийт албан хаагчид, Цагдаагийн хэсэг, Ерөнхий боловсролын сургууль, Эрүүл мэндийн төв, Соёлын төв, Хүүхдийн цэцэрлэг, БЗУБЦЦ, Төрийн банк нийт 30 гаруй хүний бүрэлдэхүүнтэй ажиллалааТа бүхэндээ нийт малчдынхаа өмнөөс чин сэтгэлийн талархал илэрхийлье

• Шилжих хөрөнгө оруулалт, төсөл арга хэмжээ
• Шинээр эхлэх хөрөнгө оруулалт
• Малын тоо толгойн албан татварын орлогоор санхүүжих төсөл арга хэмжээ

Малын тоо толгойн албан татварын орлогын эх үүсвэрээр:

1. Бэлчээрийн менежментийг сайжруулах

2. Бэлчээрийн болон газар тариалангийн усан хангамжийг нэмэгдүүлэх

3. Малын эрүүл мэндийг хамгаалах

4. Халдварт өвчнөөс урьдчилан сэргийлэх

5. Малын чанарыг сайжруулах

6. Гэмт халдлага, гамшгаас хамгаалах

7. Хур тунадасны хэмжээг нэмэгдүүлэх

8. Малын тэжээлийн ургамал тариалах

9. Тэжээлийн нөөц бүрдүүлэх

10. Байгаль орчныг хамгаалах

11. Хортон мэрэгчидтэй тэмцэх

12. Малчдад зориулсан сургалт, сурталчилгааны зардалд зарцуулна гэж хуульчилсан байдаг.

Хаваржилт хүндэрч байгаатай холбогдуулан УОК-оос хуваарилсан 500 боодол өвс, 1200 шуудай хивгийг татан төвлөрүүлэх ажлыг шуурхай удирдлагаар ханган ажиллаж байна. Өвс, тэжээл төвлөрүүлэх ажилд ЕБСургуулийн 2, Хүүхдийн цэцэрлэг-2, Соёлын төвийн-1, Эрүүл мэндийн төв-4, ЗДТГ-ын 3, ХХЭ-3 нийт төрийн байгууллагуудын 15 эрчүүд дайчлагдан ажиллаж байна.Сумын мал хамгаалах сангаас 1500 боодол өвс, 1300 боодол ногоон тэжээл, 504 шуудай хэвгийг, УОК-ийн 634 шуудай хивэг, 836ш долооц, 300ш витаминыг сумын хэмжээний малчин мал бүхий 415 өрхөд хүргүүлэх ажлыг сар шинийн өмнө зохион байгуулсныг дуулгах нь зүйтэй юм. Мөн мал хамгаалах сангийн санхүүжилтээр өвс, тэжээлийн нөөц бүрдүүлэлт дахин хийгдэнэ.

МАЛЧДЫНХАА ТӨЛӨӨ СЭТГЭЛ, ЗҮТГЭЛ ГАРГАН АЖИЛЛАЖ БУЙ НИЙТ ТӨРИЙН АЛБАН ХААГЧДАДАА ЧИН СЭТГЭЛИЙН ТАЛАРХАЛ ИЛЭРХИЙЛЬЕ

Сумын Засаг дарга М.Баярсүх төрийн байгууллагуудын удирдлагууд, багийн Засаг дарга нар, холбогдох мэргэжилтнүүдийн дунд шуурхай хурал зарлаж дараах чиглэлүүдийг хүргүүлээд байна.

1. Хаваржилтын нөхцөл байдал хүндэрсэнтэй холбогдуулан өвс тэжээл татах, буулгахад хүн хүчний хуваарилалт гарган төсөвт байгууллагын эрчүүдийг дайчлан ажиллах.

2. Аймгийн онцгой комиссоос өгсөн үүрэг даалгаврын биелэлтийг ханган ажиллах, малчид иргэдийг мэдээллээр хангах

3. Сумын Засаг дарга, байгууллагын дарга нартай байгуулах гэрээний төслийг боловсруулж, гэрээнд /албан хаагчдын эрүүл мэнд, ажиллах орчин нөхцөлийн аюулгүй ажиллагаа, соёл хөгжлийг дээшлүүлэхэд чиглэсэн/ 10 заалтыг нэмж оруулж албажуулах.

4. Сумын хэмжээний ажилгүйдлийн нэгдсэн судалгааг шинэчлэн гаргах, ажилгүй иргэдийг ажлын байранд зуучлах, хүн хүчний хэрэгцээтэй байгаа айл өрхүүдэд зуучилж, ажлын байраар хангуулах.

5. Газар, бэлчээртэй холбоотой гарсан өргөдөл гомдлын дагуу арга хэмжээ авч, хуулийн хүрээнд шийдвэрлэх.

6. Өмчлөлийн газрын олголтод анхаарах, өмчилж авсан газраа хашаажуулах, онгорхойг битүүлэх арга хэмжээг авхуулах.

7. Дуудлага худалдаагаар авсан газартаа үйл ажиллагаа явуулаагүй ААН, иргэдийн газрыг хуулийн хүрээнд шийдвэрлэх.

8. Аялал жуулчлалын газруудад бүтээн байгуулалт, нөхөн сэргээлт хийх талаар төлөвлөгөөнд тусгах

9. Хогийн цэгт нэмэлт хог булшлах, сэг зэм устгалын нүх ухуулах ажлын даалгавар боловсруулах

10. Сум хөгжүүлэх сангаас зээл авсан иргэд, ААН ийн эргэн төлөлтийн биелэлтийг тооцон ажиллах.

11. Хоршоо байгуулах талаар ойлголтыг иргэдэд өгөх, сурталчлах

12. Хүнсний аюулгүй байдалд анхаарал хандуулж, хүнсний бүтээгдэхүүнээр үйлчилж буй ААН үүдэд хяналт шалгалт хийж, зөвлөмж хүргүүлэн хуулийн хэрэгжилтийг ханган ажиллах

13. ЕБС, СӨБ-ийн хамран сургалтыг 100 хувьд хүргэх зэрэг асуудлуудаар үүрэг, чиглэл хүргүүллээ.

Орон нутгийнхаа иргэдийн экологийн боловсролыг дээшлүүлэх, хог хаягдлыг иргэдийн оролцоотой багасгах зорилготой “Хоггүй цэвэрхэн Дэлгэрцогт” 4 сарын аяныг төрийн байгууллагууд, ААН, гудамж хороолол, өрхүүдийн дунд зохион байгуулахаар удирдамжийг боловсруулж, хэсгийн ахлагч нарынхаа санал хүсэлтийг тусгаад байна. Тус аяны хүрээнд зохион байгуулагдах арга хэмжээ нь Сумын Засаг даргын дэргэдэх Залуучуудын хөгжлийг дэмжих салбар зөвлөлийн 2024 оны жилийн төлөвлөгөөнд тусгагдсан ажлуудын нэг бөгөөд 2023 оны Сумын "Тэргүүний хамт олон" Ахмадын хороотойгоо хамтран ажиллаж буй анхны ажлуудын нэг юм.Санал санаачилгыг дэмжин хүрэлцэн ирсэн идэвх зүтгэлтэй нийтХЭСГИЙН АХЛАГЧ НАРТАА БАЯРЛАЛАА

Сумын ИТХ ын дарга П.Түвшинсайхан, Багийн Засаг дарга Г.Сосорбурам, Мал эмнэлгийн тасгийн дарга Д.Наранцэцэг, Эрүүл мэндийн төвийн эрхлэгч эмч Т.Мөнхтуяа, жолооч Б.Дэлгэрсайхан нар Цахиурт багт цас зуд ихтэй байгаа нутагт өвөлжиж буй малчдынхаа нөхцөл байдалтай газар дээр нь танилцаж, төрийн үйлчилгээг хүргэн санал хүсэлтийг нь сонсож ажиллалаа.Малчдын хувьд өвс тэжээлээ бэлтгэсэн, мал муудаж хорогдолтой байгаа ч малчид маань өвс тэжээлээ бэлтгэсэн, хүн, малын өвчлөлгүй хаваржиж байна. Цас сууж овоо толгойгоороо харласан байна гэсэн мэдээтэй ирлээ. Орон нутгийн зүгээс сумын Мал хамгаалах сан, Орон нутгийн хөгжлийн сангийн санхүүжилтээр аюулгүй нөөцөө бүрдүүлж, малчин олондоо сар шинийн босгон дээр өөрсдийн хэмжээнд өвс, тэжээлээр хангаж ажилласныг дуулгах нь мөн зүйтэй юм.Өвс, тэжээлийнхээ нөөцийг бүрдүүлж, өвөл хавартаа бэлтгэсэн ХАРИУЦЛАГАТАЙ МАЛЧДАДАА БАЯРЛАЛАА.