Мал, тэжээвэр амьтдын улсын тооллого өнөөдрөөс эхэлж 3 багт нийтдээ 6 хэсэг гарч ажиллаж байна. 

Мал тэжээвэр амьтдын 2023 оны тооллогын Ажлын хэсгийг сумын Засаг даргын захирамжаар томилж, 7 хэсэгт ажиллахаар бэлтгэл ажлаа хангаж байна. Мал тооллогын Ажлын хэсэгт заавар зөвлөмжийг Засаг дарга М.Баярсүх холбогдох мэргэжилтнүүд өгч ажиллалаа. Мал тооллого 12-р сарын 07-ны өглөө гарахад бэлэн байна.

Аймгийн ИТХ-ын ээлжит 16-р хуралдаанаар Аймгийн ОНХС-ийн 80.000.000 төгрөгийн санхүүжилтээр тус суманд "Хогийн машин" ны асуудлыг шийдвэрлэлээ.

Аймгийн Засаг дарга Ц.Мөнхбатын дэмжлэгээр Баянбулаг, Цахиурт, Дэлгэр-Эмт багуудын Засаг дарга нар албан хэрэгцээндээ Энэтхэг улсаас оруулж ирсэн Ямаха W110D-4 маркийн мотоциклтой боллоо.

Монгол Улсад санхүүгийн алба үүсэж хөгжсөний 112 жилийн ой, “Бүртгэл, санхүү, эдийн засгийн ажилтны өдөр”-ийг өнөөдөр тэмдэглэн өнгөрүүлж, нягтлан бодох бүртгэл, санхүүгийн салбарын хөгжилд үнэтэй хувь нэмрээ оруулж, ажлын хүр дүн, мэдлэг ур чадвараараа манлайлан ажилласан шилдгүүдээ тодрууллаа.

Хөгжлийн бэрхшээлтэй иргэдийн эрхийг хамгаалах өдрийг угтан Монголын хараагүйчүүдийн үндэсний холбооны гишүүн, дуучин хөгжимчин МУСТА С.Чинбат, "Мөнгөн утас" хамтлагийн бөмбөрчин МУСТА М.Баярцогт, "Хамтдаа" хамтлагийн хөгжимчин П.Бат-Эрдэнэ нарын хамтарсан "ТЭГШ БОЛОМЖ" цэнгүүн амжилттай болж өндөрлөлөө. Арга хэмжээний үеэр Сумын Засаг даргын орлогч Л.Золжаргал нийт ХБИ-дээ мэндчилгээ дэвшүүлж, тус арга хэмжээг дэмжин санхүүгийн дэмжлэг үзүүлэн ивээн тэтгэсэн байгууллага, ААН-үүддээ, сэтгэлийн дэм өргөсөн нийт иргэддээ, ая дуугаа өргөсөн нийт уран бүтээлчиддээ баярлаж талархсанаа илэрхийлэн эрүүл энхийг хүссэн юм. Мөн Сумын Биеийн тамир спортын орон тооны бус салбар зөвлөлөөс зохион байгуулсан "Хөгжилтэй цаг" арга хэмжээ, шатар, даамны төрөлд амжилт гаргасан баг, тамирчдаа шагнаж урамшуулсан юм. Энэ үеэр Сумын 100 жилийн ойн хүндэт тэмдгээр Монголын хараагүйчүүдийн үндэсний холбооны гишүүн, дуучин хөгжимчин МУСТА С.Чинбат, "Мөнгөн утас" хамтлагийн бөмбөрчин МУСТА М.Баярцогт нарыг шагнаж, ойн гарын бэлгээ гардуулсан юм

Хөгжлийн бэрхшээлтэй иргэдийн эрхийг хамгаалах өдрийг угтан сумын Засаг даргын орлогч Л.Золжаргал иргэддээ зориулан мэндчилгээ дэвшүүлж үйл ажиллагааг эхлүүлсэн юм. Арга хэмжээний эхэнд Аймгийн Хөгжлийн бэрхшээлтэй иргэдийн хөгжлийн төвийн хамт олны төлөөлөл урилгаар оролцож, шинээр байгуулагдсан төвийнхөө танилцуулгыг хийж мэдээллээр хангасан юм. Хөгжлийн бэрхшээлтэй иргэдэд тулгамдаж буй асуудлыг тодруулах, шинэ санаа санаачилгыг нэвтрүүлэх зорилготой "Тэгш боломж" сэдэвт хэлэлцүүлгийг Сумын ХБИ-ийн салбар зөвлөлөөс явуулж, харилцан мэдээллээр хангаж, санаа санаачилгыг зурган хэлбэрээр танилцуулан багийн оролцоог ханган ажиллалаа.

Сумын Биеийн тамир спортын орон тооны бус салбар зөвлөлөөс Хөгжлийн бэрхшээлтэй иргэдийнхээ нийгмийн идэвхийг сэргээх, багийн ажиллагааг сайжруулах зорилготой "Хөгжилтэй цаг" тоглоомын цагийг зохион байгууллаа. Арга хэмжээний үеэр багуудын оролцоог ил тод үнэлж, амжилттай оролцсон багууддаа смайлаар оноо өгч идэвхжүүлсэн юм. Мөн шатар, даамны тэмцээн зохион байгуулж оролцоог хангаад байна. Бүтэн өдрийн тус арга хэмжээг ивээн тэтгэн хамтран ажилласан дараах байгууллагууддаа чин сэтгэлийн талархал илэрхийлье. - Сумын ИТХ - Сумын Засаг дарга - Сумын ЗДТГ - Сумын Соёлын төв - Цахир тумбааш ХХК - Нандин дэлгүүр - ЗЭТ БИ ЭС ХХК - Баянбулаг ХХК -аа чин сэтгэлийн талархал илэрхийлье.