Дундговь аймаг
Орон нутгийнхаа иргэдийн экологийн боловсролыг дээшлүүлэх, хог хаягдлыг иргэдийн оролцоотой багасгах зорилготой “Хоггүй цэвэрхэн Дэлгэрцогт” 4 сарын аяныг төрийн байгууллагууд, ААН, гудамж хороолол, өрхүүдийн дунд зохион байгуулахаар удирдамжийг боловсруулж, хэсгийн ахлагч нарынхаа санал хүсэлтийг тусгаад байна. Тус аяны хүрээнд зохион байгуулагдах арга хэмжээ нь Сумын Засаг даргын дэргэдэх Залуучуудын хөгжлийг дэмжих салбар зөвлөлийн 2024 оны жилийн төлөвлөгөөнд тусгагдсан ажлуудын нэг бөгөөд 2023 оны Сумын "Тэргүүний хамт олон" Ахмадын хороотойгоо хамтран ажиллаж буй анхны ажлуудын нэг юм.Санал санаачилгыг дэмжин хүрэлцэн ирсэн идэвх зүтгэлтэй нийтХЭСГИЙН АХЛАГЧ НАРТАА БАЯРЛАЛАА
Хөдөлмөрийн аюулгүй байдал эрүүл ахуйн салбар зөвлөлийн үйл ажиллагааг идэвхжүүлэх, холбогдох хууль тогтоомжийн шинэчлэл, түүний хэрэгжилтийг хангуулах зорилгын доор сумын төрийн байгууллагын ХАБЭА-н салбар зөвлөлийн гишүүд, байгууллагын удирдлагуудын дунд 8 цагийн багц сургалтыг Сумын ХАБЭА салбар зөвлөл Аймгийн ХАБЭА-н салбар зөвлөлтэй хамтран зохион байгууллаа. Сургалтыг Аймгийн ҮЭХ-ны дарга, Аймгийн ХАБЭА-н салбар зөвлөлийн гишүүн ХАБЭА-н сургагч багш Б. Мөнхчулуун болон сургагч багш нар дараах чиглэлээр сургалт явууллаа.
1. Хөдөлмөрийн сайдын А/114 тушаалын хэрэгжилт, ХАБЭА-н зөвлөлийн ажиллах чиг үүрэг,уялдаа холбоо, зөвлөлийн санхүүжилт
2. Ажлын байранд ХАБЭА-н шаардлагын мөрдөж ажиллах, хэрэгжүүлэх нь
3. Хөдөлмөрийн харилцаанд тулгамдаж буй асуудлууд, хэрхэн шийдвэрлэх арга зам
4. Эрсдэлийн менежментийн тухай ойлголт, ажлын байрны аюулыг илрүүлэх, үнэлэх арга, урьдчилан сэргийлэлтийн зарчим
5. Ажлын байрны эрсдэлийн үнэлгээ хийх аргачилсан зөвлөмж /ХС-ын А/295 аргачилсан зөвлөмж/
6. "Эрүүл – Аюулгүй ажлын байрыг эрхэмлэгч байгууллага шалгаруулах журам ” ХС-ын А/64 тушаал /
7. Хөдөлмөрийн гэрээ, дотоод журмын хэрэгжилт
8. ҮО, МШӨ, ХХ-ын тухай ойлголт, урьдчилан сэргийлэлт, комиссын ажиллах чиг үүрэг
9. ҮО ХХ-ын шалтгааныг шинжлэх арга зүй, ослыг судалж акт тогтоох
ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН САЛБАР ЗӨВЛӨЛ
Сумын Засаг даргын дэргэдэх Залуучуудын хөгжлийг дэмжих салбар зөвлөлөөс санаачлан хэрэгжүүлж буй "Хоггүй цэвэрхэн Дэлгэрцогт" 4 сарын аян эхэллээ. Сумынхаа нийт ААН, байгууллагууд, гудамж хороолол, иргэд та бүхнийг уралдаант аянд нэгдэхийг УРИАЛЖ байна. Хугацаа: 2024.02.20-2024.06.10Шалгаруулалтад: Албан байгууллага, аж ахуй нэгж-1, Гудамж хороолол-1, Айл өрх-1 шалгуур үзүүлэлтийн дагуу шалгаруулж- Албан байгууллага, аж ахуй нэгжийг-300.000 төгрөг- Гудамж хорооллыг – 300.000 төгрөг- Айл өрхийг-100.000 төгрөгөөр тус тус шагнаж урамшуулна."Энэ миний хог биш" гэж хандахаас илүү "Энэ бидний амьдарч буй орчин" гэж хандаарай.
СУМЫН ЗАСАГ ДАРГЫН ТАМГЫН ГАЗАР
СУМЫН ЗАЛУУЧУУДЫН ХӨГЖЛИЙГ ДЭМЖИХ САЛБАР ЗӨВЛӨЛ
Сумын Мал хамгаалах сангийн санхүүжилтээр 1660ш ногоон тэжээл аюулгүй нөөцөд төвлөрүүлэх ажил дахин хийгдэж байна. Аймгийн Засаг даргын аюулгүй нөөцөөс 450ш өвс, 100 шуудай тэжээл мөн өнөөдөр төвлөрүүлэх ажил хийгдэнэ.Сумын мал хамгаалах сангаас 1500 боодол өвс, 1300 боодол ногоон тэжээл, 504 шуудай хэвгийг, УОК-ийн 634 шуудай хивэг, 836ш долоолц, 300ш витаминыг сумын хэмжээний малчин мал бүхий 415 өрхөд хүргүүлэх ажлыг сар шинийн өмнө зохион байгуулсныг дуулгах нь зүйтэй юм.Цаг зудын хүндрэлтэй энэ үед малчдадаа чин сэтгэлийн халуун гараа сунган ажиллаж байгаа нийт албан хаагчид, иргэддээ чин сэтгэлийн талархал илэрхийлье.
Хогийн цэгийн орох, гарах хаалганы цасыг хусаж зам гаргасан тул гадна талбайд малын сэг зэмээ асгахгүй, дотор зориулалтын цэгт асгахыг нийт малчид, иргэддээ уриалж байна.
Сумын Нийгмийн бодлогын мэргэжилтэн Ц.Билэг-Ариун, Цагдаагийн хэсгийн төлөөлөгч Б.Азжаргал, эцэг эхийн төлөөлөл Г.Дэжидсүрэн нар хүүхдүүдийн сурч боловсрох орчны аюулгүй байдал, албан хаагчдын ажиллах нөхцөлийн аюулгүй байдалд явцын хяналт хийж, аюулгүй ажиллагааны заавар зөвлөмж хүргүүлэн ажиллалаа. Ажлын хүрээнд "Эрүүл аюулгүй ажлын байрыг эрхэмлэгч байгууллага" шалгаруулах болзолт уралдааны удирдамж, шалгаруулах болзлыг дахин танилцуулж мэдээллээр хангасан юм.
СУМЫН ХҮҮХЭД ХАМГААЛЛЫН ХАМТАРСАН БАГ
СУМЫН ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН САЛБАР ЗӨВЛӨЛ
Энэ оноос эхлэн Улсын төсвийн хөрөнгө оруулалтад тусгах саналыг улсын төсвийн хөрөнгө оруулалтын удирдлагын цахим систем /PIMIS/-ээр төлөвлөхөд сумдууд анхан шатанд төлөвлөхөөр журамласан. Иймд Сангийн яамнаас “Төсвийн хөрөнгө оруулалтын удирдлага ба цахим шинэчлэл” чадавх бэхжүүлэх цахим сургалтыг сумдын төлөвлөлт хариуцсан ажилтнуудад өнөөдөр зохион байгууллаа. Сургалтад 15 сумын 20 албан хаагч оролцов. Энэ үеэр Сангийн яамны Хөгжлийн санхүүжилт, хөрөнгө оруулалтын газраас сумдын улсын төсвийн хөрөнгө оруулалтын төлөвлөлт хариуцсан ажилтнуудыг зөөврийн компьютероор хангасныг аймгийн Засаг дарга Ц.Мөнхбат гардуулан өглөө.Сангийн яамнаас төсвийн хөрөнгө оруулалтын үр ашгийг нэмэгдүүлэх, ил тод нээлттэй байдлыг сайжруулах, олон нийтийн оролцоог бий болгож, хүртээмжтэй байх зорилтын хүрээнд 2023 оноос эхлэн төсвийн хөрөнгө оруулалтаар хэрэгжүүлэх төсөл, арга хэмжээ, барилга байгууламжийн саналд иргэд, олон нийтийн саналыг авах ажлыг зохион байгуулан ажиллаж байна. Энэ хүрээнд улсын төсвийн хөрөнгө оруулалтаар 2025 онд хэрэгжүүлэх төсөл, арга хэмжээний саналд иргэдийн саналыг авч эхэлсэн юм. Иргэд, олон нийт та бүхэн 2024 оны 3-р сарын 1-нээс 31-ний өдрийн хооронд Сангийн яамны төсвийн хөрөнгө оруулалтын удирдлагын цахим систем /PIMIS/-ийн “төсвийн хөрөнгө оруулалт”, “publicinvestment” гэсэн аппликейшнээр дамжуулан өөрийн харьяа нутаг дэвсгэртээ 2025 онд улсын төсвийн хөрөнгө оруулалтаар хэрэгжүүлэх шаардлагатай төслийн саналаа ирүүлнэ үү.
"Хоггүй цэвэрхэн Дэлгэрцогт" аяны хүрээнд сумын төвийн нийтийн эзэмшлийн талбайн хог хаягдлыг цэвэрлэх нийтийн цэвэрлэгээ 2024 оны 04 сарын 04 ний Пүрэв гаригт 15:00 цагт зохион байгуулагдах тул ААН байгууллагын албан хаагчид, иргэдийг нийтийн цэвэрлэгээндээ өргөнөөр оролцохыг уриалж байна.Нийтийн цэвэрлэгээ эхлэхээс өмнөх өдрүүдэд айл өрхүүд гудамж хорооллын ойр орчноо цэвэрлэж, хийсэж бутрахаас сэргийлэн хашаандаа хогоо төвлөрүүлэн ачилтанд бэлтгэхэд анхаарна уу.
ХОГГҮЙ ЦЭВЭРХЭН ДЭЛГЭРЦОГТЫН ТӨЛӨӨ БҮГД ОРОЛЦООТОЙ БАЙЦГААЯ