Мэдээлэл, арга зүй, эрдэм шинжилгээний хэлтсийн ном зүйч Б.Цогжаргал тус сумын Соёлын төвийн номын сангийн ажилтай танилцаж арга зүйн зөвлөгөө өгч ажиллалаа.

“Соёлын сэргэлт 2023” аяны үйл ажиллагаа Дундговь аймгийн Дэлгэрцогт суманд амжилттай зохион байгуулагдлаа. Үйл ажиллагааг сумын Засаг дарга М.Баярсүх Монгол Улсын Хүүхэлдэйн Театр-ын уран сайхны удирдагч, ерөнхий найруулагч М.Ариунтуяа Дэлгэрцогт сумын соёлын төвийн дарга Ш.Отгонцэцэг нар оролцож, аяны зорилго, зорилтыг танилцуулснаар нээлээ. ИЛТГЭЛ, СУРГАЛТ:Монголын Худалдаа аж үйлдвэрийн танхимын ерөнхий нарийн бичгийн дарга С.Баясгалан “Дундговь аймагт соёлын бүтээлч үйлдвэрлэлийг хөгжүүлэх боломж, шийдэл” сэдэвт соён гэгээрүүлэх илтгэл,Монгол Улсын Үндэсний номын сан /National Library of Mongolia/ мэдээлэл, арга зүй, эрдэм шинжилгээний хэлтсийн ном зүйч Б.Цогжаргал тус сумын Соёлын төвийн номын сангийн ажилтай танилцаж арга зүйн зөвлөгөө өгч ажиллалаа. БОЛОВСРОЛЫН ХӨТӨЛБӨРИЙН ХҮРЭЭНД:Хүүхэд багачуудад зориулан “Анхаарал төвлөрөлт” хөгжөөнт тоглоом, Хүүхдийн бүтээлч сэтгэлгээг хөгжүүлэх зорилгоор Улсын Хүүхэлдэйн театрын уран сайхны удирдагч, ерөнхий найруулагч М.Ариунтуяа шигтгээн наамал, үлгэрийн баатруудын дүрийг будуулах үйл ажиллагаа,МУҮНС-ийн ном зүйч Б.Цогжаргал “Ном унших ач тус”, зурагчин Бат-Эрдэнэ “Гар утсаар хэрхэн гэрэл зураг авч болох вэ” сэдвээр тус тус сургалт, танилцуулга хийлээ.Түүнчлэн, Занабазарын Нэрэмжит Дүрслэх Урлагийн Музей-н үзүүллэгийг танхимд дэлгэн үзүүллээ. УРЛАГИЙН ТОГЛОЛТ:ХЦДБЭЧуулгын дуучин МУСТА Н.Нямдаваа, Уранболор, Хүүхэлдэйн театрын “Ботго, морин хуур” хүүхэлдэйн номер болон сумын ардын авьяастан “Малчид дуулж байна” уралдааны тэргүүн байрын шагналт МУСТА Л.Баасан, Ч.Даваа, МУСТА Л.Маадорж, МУ-ын Тэргүүний ардын авьяастан Х.Энхсайхан болон соёлын төвийн дэргэдэх бүжгийн дугуйлангийн сурагчид “Морьтон” бүжгээ бүжин сумын иргэдэд урлагийн тоглолтоороо мэндчиллээ.Дундговь аймгийн Соёл, урлагийн газар Дундговь аймгийн Төв Халхын Дуулалт Жүжгийн Театр ДУНДГОВЬ АЙМАГ - ДЭЛГЭРЦОГТ СУМ2023.06.17