Хөдөлмөр нийгмийн хамгааллын яам, Япон улсын Жайка олон улсын байгууллагатай хамтран "Зорилтот бүлгийн иргэдийн хөдөлмөр эрхлэлтийг дэмжих замаар бие даан амьдрахад дэмжлэг үзүүлэх тогтолцоог бэхжүүлэх" төслийг тус суманд хэрэгжүүлэхээр суурь сургалтаа зохион байгууллаа. Хөдөлмөрт бэлтгэх суурь сургалтад "Их үйлсийн бүтээмж" сургалтын төвийн сургагч багш нар хичээл зааж, зорилтот өрхийн хөдөлмөрийн насны 50 иргэн хамрагдлаа. Сургалтын үеэр тус төслийн зөвлөх Танака Ёоко, төслийн туслах ажилтан Д.Отгонцэцэг, Дундговь аймгийн ХХҮГ-ын хөдөлмөр эрхлэлтийн хэлтсийн дарга Э.Цэвэлмаа нар хүрэлцэн ирж сургалтын үйл ажиллагаатай танилцлаа.