Тус сургалт нь Өмнөговь аймагт зохион байгуулагдсан бөгөөд аймгийн иргэдийн Төлөөлөгчдийн Хурлын дарга С.Од-Эрдэнэ, аймгийн Засаг даргын Тамгын газар, ИТХ-ын албан хаагчид болон Өмнөговь, Дорноговь, Говьсүмбэр, Төв аймгийн удирдах албан тушаалтнууд хамрагдлаа.

Хүний эрхийн Үндэсний Комисс, Төрийн албаны зөвлөл, Нэгдсэн Үндэсний Байгууллагын Хөгжлийн хөтөлбөртэй хамтран хэрэгжүүлж буй "Монгол Улсад мэргэжлийн, иргэн төвтэй төрийн албыг төлөвшүүлэх нь" төслийн хүрээнд мэргэшсэн төрийн албыг бий болгоход дэмжлэг үзүүлэх, төрийн байгууллагад хүний эрх, жендерийн тэгш байдлыг хангахад төрийн удирдах албан хаагчдын хүлээх үүрэг хариуцлагыг тайлбарлан таниулах, төрийн байгууллагын удирдах албан тушаалтнуудад шинээр баталсан хууль хэрэглээ ба хүний эрх, жендерийн мэдлэг чадавхыг бэхжүүлэх зорилгын хүрээнд тус сургалт зохион байгуулагдсан байна.