Өнөөдөр Дундговь аймгийн төрийн байгууллагуудын болон сумдын удирдлагуудын шуурхай хурал болж, хурлыг Засаг даргын Тамгын газар фейсбүүк хуудсаар шууд дамжууллаа.

Аймгийн 2023 оны "Шилдэг санхүүгийн ажилтан”-аар шалгарсан Дундговь аймаг дахь Төрийн аудитын газрын аудитын менежер Х.Наранцацрал, Татварын газрын Бичил татвар төлөгчтэй харилцах тасгийн дарга Н.Мөнгөнтуяа нарын “Харилцаа, хандлага, ёс зүй”, “Татварын хуулийн нэмэлт өөрчлөлт, хэрэглээ” сэдэвт цахим сургалтыг өнөөдөр зохион байгууллаа.

Сурагчдын англи хэл сурах идэвхийг өрнүүлэх, элсэлтийн шалгалтад бэлтгэх чиг баримжаа олгох, тэргүүний сургууль, багш, сурагчдыг тодруулж, урамшуулах зорилгоор жил бүр уламжлал болгон зохион байгуулдаг Монгол улсын гавьяат багш С.Чимэдийн нэрэмжит Говийн бүсийн аймгуудын Англи хэлний XIX олимпиад энэ сарын 7-ны өдөр Дундговь аймагт боллоо. Олимпиадад Дундговь, Өмнөговь, Дорноговь, Говьсүмбэр аймгийн 546 сурагч 21 багш оролцож, оюун ухаанаа сорин өрсөлдөв.

Аймгийн Засаг даргын А/824 дугаар захирамжийн дагуу байгуулсан ажлын хэсэг аймгийн төвийн хүнсний дэлгүүр, зоогийн газруудад хяналт шалгалтыг зохион байгуулж байна.

Өнөөдөр аймгийн Засаг дарга С.Мөнхчулуун болон аймгийн удирдлагууд сумдын Засаг дарга нартай цаг үеийн ажлын талаар уулзалт хийн, үүрэг чиглэл өглөө.

Цагдаагийн ерөнхий газрын Мэдээлэл дүн шинжилгээ, Шуурхай удирдлагын албаны дарга, цагдаагийн хурандаа П.Батбаатар, Мэдээлэл, шуурхай удирдлагын төвийн дарга, цагдаагийн хурандаа П.Энхбаяр, Мэдээлэл шуурхай удирдлагын төвийн, техник ашиглалтын хэлтсийн тасгийн дарга, цагдаагийн дэд хурандаа М.Болор-Эрдэнэ нар Дундговь аймагт ажиллаж, Мандалговь хотын төвийг камержуулах, “Теле камерын хяналтын дэд төв”-ийг байгуулах ажлын явцтай танилцаж байна. Тус ажлын хүрээнд аймгийн Засаг дарга С.Мөнхчулуун болон аймгийн удирдлагуудтай уулзаж, санал солилцлоо.

Өмнөговь аймгийн Буянт хотхон УТҮГ Хүүхдийн ордны уран бүтээлчид Батмөнх даян сэцэн хаан мэндэлсний 560 жилийн ойд зориулсан О. Сундуйн “Алтан ураг өршөө” хүүхдийн хөгжимт драмын жүжгийг Дундговь аймгийн “Тэнгэрийн тэмдэг” хүүхдийн театрын тайзнаа 2 удаа тавьж, үзэгч багачуудын хүртээл болголоо.

Өнөөдөр аймгийн Засаг даргын зөвлөлийн 17 дугаар хурал 88,9 хувийн ирцтэй, танхимаар хуралдлаа.

Авлигатай тэмцэх газраас Авлигын эсрэг хууль, тогтоомжийг сурталчлан таниулах, авлигаас урьдчилан сэргийлэх чиглэлээр заавар зөвлөгөө өгөх, мэргэжил арга зүйн удирдлагаар хангах чиглэлээр Авлигатай тэмцэх газрын Авлигатай тэмцэх үндэсний хөтөлбөрийг хэрэгжүүлэх хэлтсийн дарга, эрхэлсэн комиссар М.Даваатогтох, ахлах ажилтан Х.Оюунбаатар, Хяналт, шалгалт дүн шинжилгээний хэлтсийн ажилтан Ж.Мөнхжаргал, Урьдчилан сэргийлэх хэлтсийн ажилтан Н.Батчулуун нар өнөөдөр сургалт зохион байгуулав.

Төрийн байгууллагуудын нэгдсэн цахим хуудас www.gov.mn -д аймгийн сумд болон төрийн байгууллагуудын мэдээллийг нэгтгэлээ. Ингэснээр иргэд gov.mn цахим хуудаснаас аймгийн төрийн байгууллагуудын мэдээллийг авах боломжтой боллоо.

Өнөөдөр аймгийн Засаг даргын орлогч, Шуурхай штабын дарга Ц.Ариунбаяраар ахлуулсан ажлын хэсэг Дундговь-Ус ОНӨААТҮГ-ын халаалтын зуухнууд дээр газар дээр нь ажиллалаа.

Монголын эмэгтэйчүүдийн байгууллага үүсэж хөгжсөний 100 жилийн ойн баярын хурал энэ сарын 1-нд Дундговь аймагт боллоо. Баярын хуралд аймгийн иргэдийн Төлөөлөгчдийн Хурлын дарга Ж.Мөнхчулуун, Засаг дарга С.Мөнхчулуун нар оролцож, баяр хүргэн, хүндэтгэл үзүүлсэн юм.