Сангийн яам болон Япон улсын Жайка төслөөс хамтран зохион байгуулж буй дотоод аудитын талаарх сургалт өнөөдөр эхэллээ. Гурван өдөр үргэлжлэх тус сургалтанд Төв, Өмнөговь, Дундговь гэсэн гурван аймгийн санхүү, хяналт аудитын албадын нийт 35 мэргэжилтнүүд оролцож байна. Сургалтаар улсын салбар дахь дотоод аудит гэж юу болох, хэрхэн хэрэгжүүлэх, тэр дундаа санхүүгийн хяналт шалгалт ямар байх болон орон нутагт санхүүгийн хяналт, дотоод аудит явуулахад тулгамдаж буй асуудал, Шилэн дансны тухай хуулийн хэрэгжилт зэрэг асуудлаар мэдээлэл өгч байгаа бөгөөд өнгөрсөн хугацаанд аудит ямар түвшинд байгаа цаашдаа хийх ажлаа тодорхойлох юм. Мөн Жайка төслийн мэргэжилтнүүд дотоод аудитын гарын авлагыг хэрхэн мөрдөж хэрэгжүүлэх талаар зөвлөгөө өгөн ажиллаж байна.