Азийн хөгжлийн банкны санхүүжилтээр Хөдөлмөр нийгмийн хамгааллын яамнаас хэрэгжүүлж буй “Хөгжлийн бэрхшээлтэй иргэдийн оролцоог хангах, үйлчилгээг сайжруулах төсөл”-ийн хүрээнд 6 аймагт хөгжлийн бэрхшээлтэй иргэдийн Хөгжлийн төвийг барьж байна. Энэхүү төслийн зорилтот аймгаар сонгогдон 2021.06.06 -ний билэгт сайн өдөр төвийн шав тавих ёслолын ажиллагаа болж, барилгын ажил эхэллээ. 

Барилгын гүйцэтгэгчээр “Хөх хайрхан трейд” ХХК ажиллаж байгаа бөгөөд тус барилгыг 2021 оны 12 сард улсын комисст хүлээлгэн өгөх юм. Энэхүү төв ашиглалт орсноор хөгжлийн бэрхшээлтэй иргэдэд үзүүлэх үйлчилгээг олон улсын жишигт нийцсэн стандартаар үзүүлж, ХБИргэд хамт олон дунд нийгэмших, хөгжих боломж бүрдэж байгаа юм. Мөн цаашлаад говийн бүсийн аймгуудын хөгжлийн бэрхшээлтэй хүүхэд, иргэдэд сэргээн засах хөгжлийн үйлчилгээг үзүүлэх тулгуур төв болох юм.