Мэргэжлийн хяналтын газар. Аймгийн Цагдаагийн газар, Татварын хэлтэстэй хамтран энэ сарын 5-8-ны өдрүүдэд Дундговь аймгийн нутаг дэвсгэрт үйл ажиллагаа явуулж буй 11 жуулчны баазад урьдчилан сэрийлэх хяналт шалгалтыг хийж гүйцэтгэлээ.
Тус хяналт шалгалтаар, цэвэрлэгээ, үйлчилгээ, бүртгэл хөтөлгөө, дотоод хяналт, хүнсний бүтээгдэхүүний хадгалалтын горимтой холбоотой нийт 56 зөрчил дутагдлыг илрүүлжээ. Шалгалтын явцад нийт зөрчлийн 45%-ийг арилгуулж, Зөрчлийн тухай хуулийн холбогдох заалтын дагуу гурван газарт хоёр сая төгрөгийн торгуулийн арга хэмжээ авч ажиллав.
