Өнөөдөр МУ-ын Төрийн албаны Зөвлөлөөс 21 аймгийн салбар зөвлөлийн гишүүдтэй Төрийн албаны ерөнхий шалгалтын талаар цахим хурал хийлээ. Хурлаар Төрийн албаны зөвлөлийн гишүүн Д.Баатарсайхан төрийн албаны шалгалтын талаар болон бэлтгэл ажлыг хэрхэн хангах талаар мэдээлэл хийж, салбар зөвлөлийн гишүүдийн асуултанд хариулт өгч, шалгалтын бэлтгэл ажлыг сайтар хангаж ажиллахыг үүрэг болголоо.

Төрийн албаны ерөнхий шалгалт 2019 оны 11 дүгээр сарын 16-ны өдөр орон даяар зэрэг зохион байгуулагдахаар шалгалтын товч гарчээ. Өнөөдөр төрийн албаны шалгалтын хуваарийг эцсийн байдлаар гарах юм байна.

Иймд төрийн албаны ерөнхий шалгалт өгөхөөр бүртгүүлсэн иргэд цахимаар шалгалт өгөх газар болон цагаа харах боломжтой болсон ба Дундговь аймгийн хувьд 134 иргэн төрийн албаны ерөнхий шалгалт өгөхөөр бүртгүүлжээ.

Ерөнхий шалгалт өгөх иргэд ЭНД дарж бүртгэлээ шалгана уу.