Газрын харилцаа, барилга, хот байгуулалтын газар. Орон нутгийн хөгжлийн сангийн 144,925,235 төгрөгийн төсөвт өртөг бүхий Мандалговь хотын гэр хорооллын ус түгээх 14 цэгийг ухаалаг худаг болгох ажлын явц 50 хувьтай байна.

Тус ажлын гүйцэтгэгчээр "Баялагговь" ХХК ажиллаж байгаа бөгөөд энэ сарын 12-ны байдлаар Айраг, Мандал хороололд ус түгээх 7 цэгийг смарт болгосон байна. Ингэснээр иргэд 24 цагийн турш үйлчлүүлэх боломж бүрдэх юм.