Боловсрол, соёл урлагийн газар. Төрийн албан хаагчид болон төрийн албаны шалгалтад бэлтгэж буй иргэдэд зориулсан Монгол хэл бичгийн модуль сургалтыг Дундговь аймгийн Засаг даргын тамгын газар, Мэргэжлийн сургалт үйлдвэрлэлийн төв, Музей, Хөдөлмөр, халамжийн үйлчилгээний газар, Улсын бүртгэлийн хэлтэс, Гэр бүл, хүүхэд залуучуудын хөгжлийн газар, Дэрэн сумын цэцэрлэг зэрэг байгууллагын албан хаагчдад зохион байгууллаа.
Сургалтыг Монгол улсын Зөвлөх багш Э.Тогоохүү, Д.Отгонсүрэн, тэргүүлэх зэрэгтэй багш Л.Уранбайгаль, заах аргач багш О.Сайнгэрэл нар Монгол бичгийн хэрэглээ, Зөв бичгийн дүрэм хэрэглээ, Албан бичгийн найруулга, Төрийн албан хэрэг хөтлөлт гэсэн агуулгын хүрээнд 24 цагийн модуль сургалтыг зохион байгууллаа. Сургалтад 24 албан хаагчийг хамруулсан байна.
